Monday, 4 August 2014

MPT အချင်းချင်း ခေါ်ဆိုမှု တစ်မိနစ် ၂၅ ကျပ်သို့ လျှော့ချရန် စီစဉ်

မြန်မာ့ဆက်သွယ်ရေး လုပ်ငန်း (MPT)က ယင်းတို့၏ မို ဘိုင်းဖုန်းအချင်းချင်း ခေါ်ဆိုမှုကို  တစ်မိနစ်လျှင် ၂၅ ကျပ်နှုန်းသို့ လျှော့ချပေးရန် စီစဉ်လျက်ရှိပြီး အတည်ပြုနိုင်ရန် ဆွေးနွေးမှုများ ပြုလုပ်နေကြောင်း သတင်းရရှိ သည်။

‘‘တစ်မိနစ်ကို ၂၅ ကျပ် အထိ လျှော့ပေးဖို့အတွက်
စဉ်းစားနေတာကတော့ ကြာပါပြီ။ ဘယ်တော့လောက်စပြီး ပေးဖြစ်မယ်ဆိုတာကတော့ ဆွေးနွေးနေတုန်းပါပဲ’’ ဟု မြန်မာ့ဆက်သွယ်ရေးလုပ်ငန်းမှ မိုဘိုင်းအင်ဂျင်နီယာချုပ် ဦးမြင့်သိန်းထွန်းက ပြောသည်။
လက်ရှိတွင်  ပြည်ပဆက် သွယ်ရေးကုမ္ပဏီဖြစ်သည့် အူရီး ဒူးဆင်းကတ်များကို ဇူလိုင်လ ၂၉ ရက်က မန္တလေးနှင့် နေပြည် တော်တို့တွင် စတင်ရောင်းချပေး ခဲ့ပြီး ၃၀ ရက်တွင် ရန်ကုန်မြို့သို့ စတင်ရောင်းချပေးခဲ့သည့် အူရီးဒူးဖုန်းအချင်းချင်း ခေါ်ဆိုပါက တစ်မိနစ်လျှင် ၂၅ ကျပ်နှင့် အ ခြားကွန်ရက်သို့ ခေါ်ဆိုပါက တစ် မိနစ်လျှင် ၃၅ ကျပ်နှုန်း ကျသင့် မည်ဟု ထုတ်ပြန်ထားသည်။

‘‘ကျွန်တော်တို့အနေနဲ့ တခြားအော်ပရေတာတွေနဲ့ ယှဉ်ပြိုင် ပြီး လုပ်ရမှာဖြစ်တဲ့အတွက် အ ရည်အသွေးရော ဈေးနှုန်းကိုပါ သူတို့ထက်သာအောင် လုပ်သွား ဖို့ ရှိပါတယ်’’ ဟု မြန်မာ့ဆက် သွယ်ရေးလုပ်ငန်းမှ အထွေထွေ မန်နေဂျာ ဦးခင်မောင်ထွန်းက ဂျပန်ဆက်သွယ်ရေးကုမ္ပဏီနှစ်ခု နှင့် လက်မှတ်ရေးထိုးပွဲတွင် ဖြေ ကြားထားသည်။

မြန်မာ့ဆက်သွယ်ရေးလုပ် ငန်းအနေဖြင့် အူရီးဒူးဆင်းမ်ကတ် များ စတင်မရောင်းချမီ ရက်ပိုင်း အတွင်း မိမိ၏ မိသားစုဝင်၊ သူ ငယ်ချင်း (သို့) နှစ်သက်သော ဖုန်းနံပါတ် သုံးခုသို့ တစ်မိနစ်လျှင် ၂၅ ကျပ်နှုန်းဖြင့် ခေါ်ဆိုနိုင်သည့် Friends and Family Service ၀န်ဆောင်မှုကို စတင်၍ ပေးခဲ့သော်လည်း တစ်လလျှင် ၂၅၀၀ ကျပ် ပေးရမည်ဖြစ်သောကြောင့် အဆိုပါ ၀န်ဆောင်မှုကို အသုံးပြုသူ အများစု နှစ်သက်မှုမရှိခဲ့ကြောင်း လူမှုကွန်ရက်စာမျက်နှာများတွင် ရေးသားခဲ့ကြသည်။

မြန်မာ့ဆက်သွယ်ရေးသည် မိုဘိုင်းဖုန်း အချင်းချင်း ခေါ်ဆိုမှု လျှော့ချရန်အတွက်ပင် ညှိနှိုင်းနေ ဆဲဖြစ်ပြီး အခြားအော်ပရေတာ ဖုန်းလိုင်းများနှင့် ခေါ်ဆိုမှုကို မည် မျှသတ်မှတ်မည်ကို မသိရသေး ပေ။
From:7day

www.mmdailystar.com

မြန်မာအနုပညာရှင်တွေလည်း ကြွေခဲ့တဲ့ 2NE1

ဓာတ်ပုံ−Princess Yu's FB
 
 2NE1 အဖွဲ့၏ ဖျော် ဖြေပွဲကို မြန်မာကေပေါ့ပ်ပရိ သတ်များသာမက ကေပေါ့ပ် ကြိုက်သည့် အနုပညာရှင်များ လည်း အားပေးခဲ့ကြသည်။
သရုပ်ဆောင်အနုပညာရှင် များဖြစ်သည့် သက်မွန်မြင့်တို့ ဇနီး မောင်နှံ၊ ၀တ်မှုံရွှေရည်၊ နန်းဆု ရတီစိုး၊ ယုသန္တာတင်၊ သန္တာဗိုလ်တို့ လာရောက်အားပေးခဲ့ကြသလို ဂီတနယ်ပယ်မှလည်း ဟဲလေး မိသားစု၊ ကောင်းမြတ်လေး၊ လွှမ်းပိုင်၊ အားတီ၊ နီနီခင်ဇော်၊ Bobby Soxer တို့လည်း လာရောက် ကြည့်ရှုခဲ့ကြသည်။
လက်မှတ်ဈေးနှုန်းမှာ ကျပ် ကိုးသိန်းအထိ ဈေးရှိခဲ့သဖြင့် ဈေးနှုန်း ကြီးမြင့်သည်ဟု ဝေဖန်မှုများပေါ်ထွက်ခဲ့သလို ဖျော်ဖြေပွဲခန်းမအတွင်း ၀င်ခွင့်ရရှိရန် မိုးရေထဲတွင်  အချိန်အတော်ကြာစောင့် ဆိုင်းခဲ့ရသည့် အဆင်မပြေမှုများ ရှိသော်လည်း 2NE1 အဖွဲ့၏ ဖျော်ဖြေတင်ဆက်မှုပုံစံများ၊ ဖက်ရှင်ကျကျသွက်သွက်လက်လက်ဖြင့် သီချင်း ၁၀ပုဒ်ကျော် သီဆိုပေးခဲ့သဖြင့် ပရိသတ်များ အားရခဲ့ကြ သည်။
ဖျော်ဖြေမှုမှာ တစ်နာရီခွဲ ကျော်သာကြာမြင့်ခဲ့သော်လည်း 2NE1 ၏ ဖျော်ဖြေမှုကို ချီးကျူးသံ များ လူမှုကွန်ရက်တွင် ပျံ့နှံခဲ့ သည်။

ဖျော်ဖြေပွဲ   သွားရောက် ကြည့်ရှုခဲ့သည့် ယွန်းဝတီလွင်မိုး က 2NE1 ကို အားပေးရသော ကြောင့် အသံပင်ဝင်ခဲ့ကြောင်း ၎င်း၏ ဖေ့စ်ဘွတ်ခ်စာမျက်နှာတွင် ရေးသားထားသည်။
2NE1 အဖွဲ့သည် ပွဲစတင် ဖျော်ဖြေသည့် အချိန်မှ ပွဲပြီးသည့် အချိန်အတွင်း ပရိသတ်များ စိတ် တိုင်းကျဖျော်ဖြေခဲ့သောကြောင့် ကျေနပ်မှုရှိကြောင်းကို အဆို တော်ဟဲလေးကလည်း ‘‘မင်းတို့ လေးတွေ ဘာကြောင့် ကမ္ဘာကျော်လဲ အခုသိသွားပြီ။ အရက်သမား စကားနဲ့ပြောရရင် တစ်စက်ကျန် အထိ အရသာရှိပေါ့။ Entertainerဆိုတာ ဒါမျိုးပဲဖြစ်ရမယ်။ တစ်နာရီခွဲက အရမ်းအဓိပ္ပာယ်ရှိတယ်’’ ဟု သူ၏ ဖေ့စ်ဘွတ်ခ်စာမျက်နှာ တွင် ရေးသားထားသည်။
2NE1 အဖွဲ့ကို I Don't Care သီချင်းဆုရသည့် အချိန်က တည်းက အားပေးခဲ့ခြင်းဖြစ်ပြီး ကိုယ်တိုင်ကြိုက်သည့် အနုပညာ ရှင်များကို ပြင်ပတွင်တွေ့ခွင့်ရခဲ့ ၍ ပျော်ရွှင်ခဲ့ရကြောင်း နန်းဆုရ တီစိုးကပြောသည်။


အနုပညာရှင်အများစုက အဖွဲ့ခေါင်းဆောင် CL ကို သဘောကျကြောင်း ဖေ့စ်ဘွတ်ခ်စာမျက် နှာအသီးသီးတွင် တင်ခဲ့သလို CL ၏ ပရိသတ်တစ်ဦးဖြစ်သလို VVIP လက်မှတ်ဝယ်ယူကြည့်ရှု ခဲ့သည့် အားတီကလည်း ‘‘နိုင်ငံ တကာဖျော်ဖြေပွဲတစ်ခါမှ မကြည့်ဖူးဘူး။ 2NE1 ပွဲကို စကြည့်ဖူး တာ။ သူတိုရဲ့ ဆက်တင်တွေ မိုက်တယ်။ အဓိကက မီးနဲ့ သရီးဒီ သုံး သွားတာ အရမ်းကောင်းတယ်။ Management အရမ်းကောင်း တယ်။ သူတို့က Teamwork အရမ်းကောင်းတယ်လို့ ပြောလို့ ရတယ်။ ကျွန်တော်က သူတို့အဖွဲ့ မှာ CL ကို အရမ်းကြိုက်တယ်။ သူကပဲဦးဆောင်သွားတယ်။ ပရိ သတ်နဲ့လည်း အကုန်လုံး Link ချိတ်မိတယ်’’ဟု ဖျော်ဖြေပွဲနှင့် ပတ်သက်၍ ၎င်း၏အမြင်ကို ပြောသည်။
သရုပ်ဆောင် ယုသန္တာတင် ကလည်း ကိုယ်တိုင်ကြိုက်သည့် အနုပညာရှင်များကို ပြင်ပတွင် တွေ့ခဲ့ရသလို ၎င်းတို့၏ ဖျော်ဖြေ မှုများ၊ ဖက်ရှင်များကို ကြည့်ရှုရ ၍  သဘောကျကြောင်း   ပြော သည်။

From:7day

www.mmdailystar.com

အီဘိုလာဗိုင်းရပ်စ် ကာကွယ်ရန် နည်းလမ်းများ

လိုက်ဘေးရီးယားနိုင်ငံ မန်ရိုဗီယာမြို့ ဆေးရုံတွင် အီဘိုလာဗိုင်းရပ်စ်ကူးစက်ခံထားရသော ဝေဒနာရှင်များကို ဆရာဝန်တစ်ဦး ကုသနေစဉ် (Samaritan's Purse/REUTERS)
အနောက်အာဖရိကတွင် အီဘိုလာဗိုင်းရပ်စ်အကြီးကျယ် ဆုံး ပျံ့နှံ့နေသောကြောင့် ယင်းရောဂါပိုး နိုင်ငံတကာသို့ ပျံ့နှံလာနိုင်သည် ဆိုသော စိုးရိမ်မှုများ မြင့်တက်လာခဲ့သည်။ အီဘိုလာဗိုင်းရပ်စ်ကို ကာကွယ်ရန် ကမ္ဘာ့ကျန်းမာရေးအဖွဲ့(WHO) နှင့် အမေရိကန်ရောဂါထိန်းချုပ်ကာကွယ်ရေးဌာန (CDC)တို့၏ လမ်းညွှန်ချက်များကို ဖော်ပြပေးလိုက်သည်။

ရောဂါလက္ခဏာများကို စောင့်ကြည့်ပါ

  • အီဘိုလာဗိုင်းရပ်စ် ကူးစက်ခံရသည့် ရောဂါလက္ခဏာများတွင် အဖျားတက်ခြင်း၊ ခေါင်းကိုက်ခြင်း၊ အဆစ်အမြစ်၊ ကြွက်သားများ ကိုက်ခဲနာကျင်ခြင်း၊ အားနည်းခြင်း၊ ၀မ်းလျှောခြင်း၊ အော့အန် ခြင်း၊ ဗိုက်နာခြင်း၊ အစာစားချင် စိတ်မရှိခြင်းနှင့် တစ်ခါတစ်ရံတွင် သွေးထွက်ခြင်းတို့ ပါဝင်သည်။
  • ရောဂါကူးစက်ခံထားရသူ၏ ကိုယ်ခန္ဓာမှထွက်သော အရည်များနှင့် တိုက်ရိုက်ထိတွေ့မိခြင်းကြောင့်(သို့မဟုတ်) ရောဂါကူးစက်ခံရသူအတွက် အသုံးပြုထားသည့် ဆေးထိုးအပ်များကဲ့သို့သော ပစ္စည်းများနှင့် ထိတွေ့မိခြင်းတို့ကြောင့် အီဘိုလာဗိုင်းရပ်စ် ကူးစက်ခံရနိုင်သည်ဟု CDC  ဒုတိယညွှန်ကြားရေးမှူး စတီဖန်မွန်ရိုးက ပြောသည်။
  • အီဘိုလာဗိုင်းရပ်စ်ရောဂါ ကူးစက်ခံထားရပြီး ရောဂါလက္ခဏာ မပြမီ အခြားသူတစ်ဦးထံ ရောဂါကူးစက်ခြင်း မရှိကြောင်း သိရသည်။

ကိုယ်ခန္ဓာမှ ထွက်သော အရည်များ

  • အီဘိုလာဗိုင်းရပ်စ်ပိုးသည် ချွဲ၊ သလိပ်၊ နှပ်၊ နှာရည်၊ သုက်၊ တွံတွေး၊ သွားရည်၊ ချွေး၊ အန်ဖတ်၊ မစင် (သို့မဟုတ်) သွေးမှတစ်ဆင့် ကူးစက်နိုင်သည်။
  • အီဘိုလာဗိုင်းရပ်စ်ကူးစက်ခံရသူ အများစုမှာ ရောဂါ ကူးစက်ခံထားရသည့် ရောဂါလက္ခဏာပြနေသူများကို ပြုစုပေးသူ၊ ၎င်းတို့နှင့်အတူ နေထိုင်သူများဖြစ်ကြောင်း မွန်ရိုးကပြောသည်။
  • ရောဂါပြန်ကောင်းလာသူများထံမှ ၎င်းတို့၏ သုက်ပိုးမှတစ်ဆင့် ပြန်ကောင်းပြီး သီတင်းခုနစ်ပတ်အထိ အခြားလူတစ်ဦးသို့ ကူးစက်နိုင်သေးကြောင်း WHO က သတိပေးထားသည်။
  • အီဘိုလာဗိုင်းရပ်စ်ကြောင့် သေဆုံးသူများ၏ အလောင်းကို မထိမိပါစေနှင့်။
  • ယင်းရောဂါဖြင့် သေဆုံးသူများ၏ အသုဘအတွက် ပြင်ဆင်ပေးစဉ် (သို့မဟုတ်) မြှုပ်နှံစဉ်တွင် ရောဂါပိုးကူးစက်နိုင်သည်။
  • အီဘိုလာ ဗိုင်းရပ်စ်ကြောင့် သေဆုံးသူများကို သေချာစွာ လုံခြုံစွာမြှုပ်နှံသင့်ကြောင်း  WHO က အကြံပေးထားသည်။

ကျန်းမာရေးလုပ်သားများ လိုက်နာရန်

  • အီဘိုလာဗိုင်းရပ်စ် ပျံ့နှံ့နေသည့် ဒေသမှ လူနာများနှင့် ရောဂါ လက္ခဏာပြနေသူများကို လူအများနှင့် သီးခြားထားသင့်သည်ဟု CDC  က ပြောသည်။
  • ကျန်းမာရေးလုပ်သားများအနေဖြင့် ရောဂါကူးစက်မှုကို ကြိုတင်ကာကွယ်ထားသင့်သည်။
  • မျက်နှာဖုံး၊ လက်အိတ်၊လက်ရှည် ၀တ်စုံတို့ ၀တ်ထားပြီးမှ လူနာများကို ကုသပေးသင့်သည်။
  • အီဘိုလာဗိုင်းရပ်စ်ကူးစက်ခံရသည့်အချိန်မှ ရောဂါလက္ခဏာပြသည့် အချိန်အထိ အချိန် ၂၁ ရက်ကြာကြောင်း သိရသည်။


အသားစိမ်းများ ရှောင်ပါ

  • အီဘိုလာဗိုင်းရပ်စ်ကူးစက်ခံထားရသည့် တိရစ္ဆာန်များ၏ သွေး၊ ခန္ဓာကိုယ် အစိတ်အပိုင်းများ (သို့မဟုတ်) ၎င်းတို့၏ ခန္ဓာကိုယ်မှထွက်သော အရည်များနှင့်အနီးကပ်ထိတွေ့ပြီးနောက် လူများရောဂါ ကူးစက်ခံရသည်။
  • အသီးစားလင်းနို့များမှာ အီဘိုလာဗိုင်းရပ်စ် သဘာဝ လက်ခံကောင်များ ဖြစ်သည်။
  • ၀က် (သို့မဟုတ်) မျောက်များသို့ အီဘိုလာဗိုင်းရပ်စ် ကူးစက်နေ သည်ဟု သံသယရှိပါက ယင်းနေရာကို ချက်ချင်းပိတ်ထားပြီး ရောဂါ ကူးစက်ခံထားရသည့် တိရစ္ဆာန်များကို သတ်ပစ်ပါ။ အသေကောင်ကို မြေမြှုပ်ရန် (သို့မဟုတ်) မီးရှို့ရန် သေချာစွာလုပ်ဆောင်ပါ။
  • လူ (သို့မဟုတ်) တိရစ္ဆာန်များအတွက် အီဘိုလာဗိုင်းရပ်စ် ကာကွယ်ဆေးမရှိပါ။
From: 7day

www.mmdailystar.com
 

အီဘိုလာ ကူးစက်မှုသည် မျှော်လင့်ထားသည်ထက် လျင်မြန်နေကြောင်း WHOအကြီးအကဲ ပြောကြား

အီဘိုလာဗိုင်းရပ်စ်ပိုးသည် ယခင်မျှော်မှန်းထားသည်ထက် ကူးစက်ပျံ့နှံ့မှု လျင်မြန်နေကြောင်း ကမ္ဘာ့ကျန်းမာရေး အဖွဲ့ကြီး (WHO)၏ အကြီးအကဲ ဖြစ်သူက ပြောကြားခဲ့သည်။
WHO၏ ဒါရိုက်တာချုပ် မာဂရက်ချန်းက အာဖရိက(၃)နိုင်ငံတွင် လူပေါင်း(၇၀၀)ကျော်ကို သေဆုံးစေခဲ့သည့် ရောဂါပိုးကို ထိန်းချုပ်နိုင်ရန် ခက်ခဲနေဆဲဟု ဒေသဆိုင်ရာ ခေါင်းဆောင်များနှင့် တွေ့ဆုံရာတွင် ပြောကြားခဲ့သည်။ ဂီနီရာ၊ ဆီအာရာလီယွန်နှင့် လိုက်ဘေးရီးယားတို့တွင် ဖေဖော်ဝါရီလ ကတည်းက အီဘိုလာ ကူးစက်မှုများ စတင်ဖြစ်ပေါ်ခဲ့ပြီး လူ(၇၂၈)ဦးထက်မနည်း အသက်ဆုံးရှုံးခဲ့သည်။
အီဘိုလာသည် အလွန်ပြင်းထန်သော ရောဂါတစ်မျိုးဖြစ်ပြီး ကူးစက်ခံရသူ အရေအတွက်၏ (၉၀)ရာခိုင်နှုန်း အသက်ဆုံးရှုံးခဲ့ရသည်။ အီဘိုလာကို ပျောက်ကင်းအောင် ကုသနိုင်သည့် ဆေးဝါးလည်း သတ်သတ်မှတ်မှတ် မရှိသေးချေ။

အီဘိုလာဗိုင်းရပ်စ် ကာကွယ်ရန် နည်းလမ်းများ

အာဖရိကတွင် အီဘိုလာ ထိန်းချုပ်ရေးအတွက် သွားရောက် လုပ်အားပေး ကူညီခဲ့ပြီး ရောဂါကူးစက်ခံရသည့် အမေရိကန် နိုင်ငံသား နှစ်ဦးမှာ ယခုအခါ ဇာတိနိုင်ငံ ပြန်ရောက်နေပြီ ဖြစ်သည်။ အမေရိကန် သမ္မတ ဘာရတ်အိုဘားမားက အမေရိကန်-အာဖရိက ညီလာခံ တက်ရောက်ရန်အတွက် လာမည့်သီတင်းပတ်တွင် ဝါရှင်တန်သို့ ရောက်ရှိလာမည့် အာဖရိက ကိုယ်စားလှယ်များကို ရောဂါရှိမရှိ စစ်ဆေးမည်ဟု ကြေညာထားသည်။
ချန်းက လက်ရှိ အီဘိုလာ ကူးစက်မှုများသည် ကပ်ရောဂါဘေး တစ်ခု ဆိုက်ရောက်သည့် အခြေအနေသို့ ဦးတည်နေကြောင်း မှတ်ချက်ပြုခဲ့သည်။ “လက်ရှိ ရောဂါကူးစက် ပျံ့နှံ့မှုဟာ ကျွန်မတို့ရဲ့ တားဆီးနိုင်စွမ်းထက် ပိုမြန်နေတယ်။ တကယ်လို့ ဒီအခြေအနေက ဆက်ပြီး ဆိုးရွားနေမယ် ဆိုရင် တခြားနိုင်ငံတွေကိုပါ ကူးစက်နိုင်မယ့် အလားအလာက ပိုများသွားနိုင်တယ်”ဟု သူမက ပြောကြားခဲ့သည်။
ချန်းက အီဘိုလာ ကူးစက်မှုများကို ထိန်းချုပ်လာနိုင်မည်ဟု ယုံကြည်ကြောင်းလည်း ဆိုသည်။ “ကျွန်မတို့ရဲ့ အတွေ့အကြုံတွေကို အခြေခံပြီး ပြောရမယ် ဆိုရင်တော့ လူသားတွေ အားလုံးကို အကြီးအကျယ် ခြိမ်းခြောက်နိုင်တဲ့ အခြေအနေမျိုးထိ အန္တရာယ် မကြီးနိုင်ပါဘူး။ နောက်ပြီး လက်ရှိကူးစက်မှုတွေကို ရပ်တန့်တားဆီးနိုင်မယ်လို့ ထင်ပါတယ်။ ဒါပေမဲ့လည်း အီဘိုလာ ကူးစက်မှုတွေ အချိန်ကြာကြာ ဖြစ်ပေါ်နေတာကို စိတ်ရှည်ရှည် စောင့်ကြည့်နေဖို့ ဆိုတာကတော့ ပညာရှိဆန်တဲ့ ရွေးချယ်မှု မဖြစ်နိုင်ပါဘူး”ဟု သူမက မှတ်ချက်ပြုသွားသည်။

From: _BBC

www.mmdailystar.com

မီဒီယာများ၏ သစ္စာရှိမှု၊ မှန်ကန်သည့် အတွေးအခေါ်နှင့် မှန်ကန်သည့် ဘက်တွင် ရပ်တည်ရန် လိုအပ်ကြောင်း ဦးကျော်သူ ဆို

ဇူလိုင်လ ၂၄ ရက်နေ့ တွင် နာရေး ကူညီမှုအသင်း ( ရန်ကုန် ) သို့ Asian Fame Media Group မှ မီဒီယာ သင်တန်းသား၊ သင်တန်းသူ ၁၄ ဦးခန့် သွားရောက်လေ့လာ ခဲ့ပြီး လက်တွေ့ ကွင်းဆင်း သတင်း ရယူမှုများ၊ တွေ့ ဆုံမေးမြန်းမှု များကို ပြုလုပ်ခဲ့ကြကြောင်း သိရသည်။

နာရေး ကူညီမှု အသင်းမှ ဦးကျော်သူ၊ ဆရာမ ဒေါ်သန်းမြင့်အောင် အပါအ၀င် နာရေး ကူညီမှု အသင်း ( ရန်ကုန် ) မှ အလုပ် အမှုဆောင်များမှ တွေ့ ဆုံမေးမြန်းမှုများကို
ပြန်လည် ဖြေကြားခဲ့ပြီး နာရေး ကူညီမှုအသင်း ဥက္ကဌ ဦးကျော်သူမှ မီဒီယာများ၏ သစ္စာရှိမှု၊ မှန်ကန်သည့် အတွေးအခေါ်နှင့် မှန်ကန်သည့်ဘက်တွင် ရပ်တည်ရန် လိုအပ်ကြောင်း သင်တန်းသားများအား တိုက်တွန်း ပြောကြားခဲ့ပြီး၊ Asian Fame Media Group မှ အယ်ဒီတာချုပ် ကိုမျိုး (မြန်မာစာ) မှလည်း အသင်းသားကောင်း တစ်ယောက် ဖြစ်လျှင် ဟူသည့် စိတ်ဓာတ်နှင့် ရည်ရွယ်ချက်ဖြင့် ရပ်တည်ပါက ဤသင်တန်း ဤအသင်းတွင် ရှိသည့် လူပုဂ္ဂိုလ် များစွာ အကျိုး များစေနိုင်ကြောင်း၊ သတင်း မီဒီယာ လောကသို့ မကြာခင် ၀င်ရောက်တော့မည့် သင်တန်းသား များ၏ စိတ်ဓာတ်ပိုင်းနှင့် ပတ်သက်၍လည်း “ပြောရဲရပါတယ်၊ မေးရဲ ရပါမယ်၊ ပြုပြင်ပြောင်း လဲ ရဲ ရပါမယ်” ဟု သင်တန်းသား၊ သင်တန်းသူ တို့ အား အမှာစကား ပြောကြားခဲ့သည်။

ထို့ နောက် တွေ့ ဆုံမေးမြန်းမှုများ ထဲမှ အကောင်းဆုံး တွေ့ ဆုံမေးမြန်းနိုင်မှု၊ ထိထိရောက်ရောက် ပြောဆိုနိုင်မှု၊ အပြင် စာဖတ်သူ အနေဖြင့်ပါ သင်တန်းသား များ၏ သတင်းရေးသား တင်ဆက်သော အကြောင်းအရာ များကို အမှတ်ပေး၍ ဆုများ ချီးမြှင့်ခဲ့ကြောင်း သိရသည်။
From:

www.mmdailystar.com

စတုတ္ထမဏ္ဍိုင် နှင့် ဖုန်းလုပွဲ

မြန်မာ့မီဒီယာသမားတို့ရဲ့ သိက္ခာတွေ အဖက်ဆည်မရအောင် အရှက်ကွဲခဲ့ရတဲ့ ဖုန်းလုပွဲ တစ်ခု ဖြစ်ပါတယ်။ သြဂုတ်လ ၂ ရက်နေ့က ဆူးလေရှန်ဂီလာ ဟိုတယ် (ယခင် ကုန်သည်ကြီးများ ဟိုတယ်) တွင် Ooredoo ကုမ္မဏီက စာနယ်ဇင်းရှင်းလင်းပွဲအပြီး ဟန်းစက်များ၊ ဖုန်းကဒ်များနဲ့ ထီးများ လက်ဆောင်ပေးချိန်မှာ မီဒီယာသမားတွေ အလုအယက် ကြိတ်ကြိတ်တိုး ဝိုင်းလုကြပါတယ်။

စာနယ်ဇင်းရှင်းလင်းပွဲလုပ်မယ်ဆိုပြီး ဖိတ်စာဝေကတည်းက မှတ်ပုံတင်က နာမည်နဲ့ သေချာဖိတ်ပါတယ်။ ဖိတ်စာ တစ်စောင်ကို သတင်းထောက် တစ်ယောက်ပဲ လာဖို့ ပြောထားပြီး ဖြစ်ပါတယ်။ လက်ဆောင်ပေးမယ် ဆိုတာကိုလည်း အရိပ်အမြွတ် သိထားကြပါတယ်။ ဒါကြောင့် ဂျာနယ်တိုက်တိုင်းက တစ်ယောက်ထက် မကတဲ့ သတင်းထောက်တွေရော၊ အယ်ဒီတာတွေရော၊ အယ်ချုပ်တွေရော လာကြပါတယ်။ တချို့ဂျာနယ်တိုက်များဆိုရင် တိုက်ပိုင်တွေနဲ့ ဆောင်းပါးရှင်တွေပါ တက်ရောက်လာကြပါတယ်။ ဂျာနယ်တိုက်တစ်ခုမှာ အနည်းဆုံး ၂ ယောက်ကနေ အများဆုံး ၈ ယောက်အထိ သတင်းယူကြပါတယ်။ သတင်းထောက်တွေ အရမ်းများလာတော့ နောက်မှရောက်လာတဲ့ သတင်းထောက်တွေကို ဝင်ခွင့်မပေးတော့ပဲ ပြန်လွှတ်လိုက်လို့ မီဒီယာသမားအချို့ စိတ်မကြည်မသာနဲ့ လှည့်ပြန်ခဲ့ရပါတယ်။

စာနယ်ဇင်းရှင်းလင်းပွဲအပြီး လက်ဆောင်တွေပေးတော့ နဲနဲ လှုပ်လှုပ်ရှားရှား ဖြစ်လာပါတယ်။ လက်ဆောင်ထဲမှာ Sim Card တွေအပြင် Xperia E1 Sony ဟန်းစက်တွေနဲ့ ထီးတွေပါ ပေးတော့ မီဒီယာသမားအားလုံး ထိန်းမနိုင်သိမ်းမရ တိုးဝှေ့လုကြတော့တာပါပဲ။ တချို့ဝါရင့် သက်ကြီး သတင်းသမားတွေဆိုရင် အော်ဟစ်ပြီး အတင်းတောင်းပါတယ်။ တချို့က မရလို့ စိတ်ဆိုးကြပါတယ်။ တန်းမစီပဲ အတင်းတိုးနေတာကြောင့် အဖြူမက မောင်းထုတ်တာကို မီဒီယာသမားတချို့ ခံလိုက်ရပါသေးတယ်။ နိုင်ငံခြားသားတွေ ရှေ့မှာမြန်မာ မီဒီယာသမားတို့ သိက္ခာက ကုန်းကောက်စရာတောင် မကျန်တော့ပါဘူး။ 


From:Myanmar Media Watch

www.mmdailystar.com

မြန်မာ မီဒီယာသမားများ အရှက်မရှိ ဖုန်းလုသည့်ကိစ္စ ဇေယျာစိုပြေ ပြောပြီ

“တောက်..... ငါ မသွားလိုက်တာနာသကွာ.. ” ဟု စိုပြေ ရေရွှတ်လိုက်မိသည်။
စိုပြေတင်မဟုတ်။ အခြားသတင်းထောက်များလည်း စိုပြေ့လို ရေရွတ်ကြမည်သာ။
ဟုတ်ပါသည်။ သတင်းထောက်များ မကျေနပ်။ ဒီလိုမှန်းသိရင် သွားတာပေါ့ကွာဟုလည်း ဆိုကြသည်။
အကြောင်းကတော့ အော်ရီဒူးက လုပ်သည့် သတင်းစာရှင်းလင်းပွဲကို မသွားလိုက်မိ၍ပင်။

အခုတလော အော်ရီဒူးက ဆိုထားသည့် အတိုင်း ရင်ခုန် စိတ်လှုပ်ရှားဖွယ်ရာတွေ မြန်မာပြည်တွင် ဖြစ်ပေါ်နေသည်။
၁၅၀၀ နှင့် ရောင်းသည့် အော်ရီဒူး ဖုန်းကို ငါးထောင်၊ တစ်သောင်းလောက်သာ ပေးဝယ်ရတော့သည်။ အော်ရီဒူး မလာခင် အစိုးရက ၁၅၀၀ နှင့် ရောင်းသည့် ဖုန်းဆိုလျှင် တစ်သိန်းကျော် အထိပေးဝယ်
ရသည်မဟုတ်ပါလား။
ငါးထောင် တစ်သောင်းလောက်ပိုပေးရတာတော့ ၀ယ်လိုအားကြောင့်ပင်။ သူတို့ ကုမ္ပဏီက ပြောသည့် ၁၅၀၀ အတိုင်းမဖြစ်တာကတော့ ဖုန်းဆိုင်တွေ တာဝန်ပေါ့လေ။

အဲ့လို ဈေးပေါပေါနှင့် ရောင်းသည့် ဖုန်းကို လူတိုင်း စိတ်ဝင်စားနေကြသည်။
လမ်းပေါ်မှာလည်း အော်ရီဒူး၊ ကျောင်းမှာလည်း အော်ရီဒူး၊ အလုပ်မှာလည်း အော်ရီဒူး အိမ်မှာလည်း အော်ရီဒူး ဖြစ်နေတာမို့ အချို့လည်းစိုပြေ့လို အော်ရီဒူးကို သောက်မြင့်ကပ်သူများပင်ရှိလာသည်။
ဘာပဲဖြစ်ဖြစ် ဒီလို လူတွေ စိတ်ဝင်စားနေသည် အော်ရီဒူး သတင်းကို ရေးလျှင် ထိုသတင်းပေါက်မည်ဟု သတင်းထောက်များ တွက်ကြသည်။

ဒါကြောင့် အော်ရီဒူး သတင်းစာရှင်းလင်းပွဲကို ရန်ကုန်မြို့ရှိ သတင်းထောက်များ အကုန်တတ်သလားတောင် ထင်ရအောင် သွားကြသည်။
သတင်းထောက်များ ဖွေးဖွေးလှုပ်။ ရှန်ဂရီလာဟိုတယ်ကြီးပင် ပြည့်သွား၏။ လူပေါင်းသုံးရာကျော်ရှိသည်ကို။ အချို့တိုက်များ လူ လေးငါးရှစ်ယောက်ပင် လာသည်တဲ့။
သတင်းတွေ လေးငါးရှစ်ပုဒ် ခွဲရေးကြတော့မည်ထင်သည်။

သတင်းစာရှင်းလင်းပွဲ ဆိုသည့်အတိုင်း..... ဟိုပြော ဒီပြော၊ ဟိုရှင်း၊ ဒီရှင်း။
ဒီအချိန် အော်ရီဒူးက ဘာပြောပြော သတင်းဖြစ်နေသည့်အချိန်မို့ သတင်းထောက်များလည်း ခက်ခက်ခဲခဲ သတင်းလုပ်စရာမလိုတော့။
ပြောနေသည်ကိုလည်း သိပ်စိတ်မ၀င်စား။
သတင်းထောက်များ စိတ်ဝင်စားနေသည်က ပွဲပြီးလျှင် ပေးမည့် လက်ဆောင်များပင်ဖြစ်သည်။
ဘာလက်ဆောင်ပေးမည်နည်း။ သေချာတာကတော့ ဆင်းကဒ်။ အခြားအရာများလည်းရှိသေးသည်ဟု သတင်းရထားကြသည်။
နီးစပ်ရာ သတင်းထောက်အခြင်းခြင်းလည်း ဘာလက်ဆောင်ပေးမလဲဆိုသည့် စကားများသာ တီတိုးပြောနေကြသည်။

မကြာမီ ပွဲကြီးပြီးသွားသည်။ သတင်းထောက်များ မျှော်လင့်စောင့်စားနေသည့် အချိန်ကိုရောက်လာပါပြီ။
လက်ဆောင်များ ပေးလေ၏။ အခြားပွဲများလိုတော့ သတင်းထောက်တွေ ရှိရာခုံသို့ လာပြီး အထုပ်တွေ ချမပေး။
ဒီတခါတွင်တော့ တန်းစီရသည်။ တန်းစီရတာ ပင်ပန်းတာမှတ်လို့။
ဆင်းကဒ်နှင့် ဆိုနီဖုန်းတစ်လုံးစီပေးသည်တဲ့။ ဖုန်းကိုတော့ လူတိုင်းမရ။ ရီဂျစ်စတာ လုပ်ထားသော လူများရသည်။ ဒါကို ရီဂျစ်စတာမလုပ်ထားသော
သတင်းထောက်များက မကျေနပ်။ သပ်သပ်မဲ့ သတင်းထောက်ခြင်းအတူတူ အဆင့်အတန်း ခွဲခြားခြင်းဖြစ်သည်ဟုဆိုသည်။ ငတို့ သတင်းထောက်ကို ဒါမျိုးလာလုပ်လို့ ဘယ်ရမလဲ။ မီးပွင့်သွားမယ် ဟု ကြွေးကျော်ကာ
အော်ရီဒူးက လူတွေကို ရန်ဖြစ်ပလိုက်သည်။ ရန်ဖြစ်သူတွေ မောင်းထုတ်ခံရသည်ဟု ကြားရ၏။
မြန်မာတို့ ထုံးစံအတိုင်း တန်းစီတိုင်းလည်း မရမှာ စိုးရိမ်ကြသည်။ ဒါကြောင့် ကြားဖြတ်သည်။ မြွေမြွေခြင်းဒါမျိုး လာကျော်လို့ ဘယ်ရမလဲ။ ကြားပြန်ဖြတ်သည်။
ဒီလိုနှင့် အော်ရီဒူးသတင်းစာရှင်းလင်းပွဲကြီးမှသည် အော်ရီဒူး ဖုန်းလုပွဲကြီးဆီသို့ ပြောင်းလဲသွားလေတော့၏။

ဒါမျိုးက သတင်းထောက်တိုင်းတော့မဟုတ်ပါ။ ကျင့်ဝတ်အရ မယူသူများလည်း အများအပြားရှိပါသည်။
ဂျာနယ်လစ်ကျင့်ဝတ်အရ မိမိက အခြားလူတစ်ယောက်ထံမှ တံစိုးလက်ဆောင်မယူရ။ ယူလိုက်လျှင် ထိုသူ၏ သြဇာခံဖြစ်သွားပြီး ထိုလူကောင်းကြောင်းများကိုသာ ရေးမိတော့သည်။
နိုင်ငံခြားတိုင်းပြည်တွင်ရောက်နေသည့် အမတစ်ယောက်တော့ ထိုတိုင်းပြည်တွင် ဖုန်းကုမ္ပဏီတွေက ဆင်းကဒ်ရော အိုင်ဖုန်းရော အလကားပေးကြတာတောင် မယူကြတဲ့။
နိုင်ငံခြားမှာကတော့ ဟုတ်မပေ့ါလေ။ စိုပြေတို့လို ဖုန်းမရှိသည့် သတင်းထောက်တွေကတော့ အခုမှ ပေါ်လာသည့် ဖုန်းလေး မက်မက်မောမောရှိလှမပေါ့။
ဒီနေရာမှာ သတင်းထောက်တွေမ ဟုတ်ဘဲ ၀န်ကြီးတွေ ဆိုလျှင်လည်း မြန်မာ့ အကျင့်အတိုင်း ယူကြမည်သာ။

သတင်းထောက်များ၏ ဖုန်းလုပွဲက ဟိုတယ်တွင် မပြီးသေးခင် အပြင်လောကတွင် ဖုန်းလုသည့် သတင်းက ပျံ့နှံ့လေပြီ။ သတင်းကောင်းတော့မဟုတ်။
အချို့ကလည်း အချင်းချင်းပြန်ဖွသူတွေကိုလည်း စိတ်ဆိုးကြသည်။ အခုလို သတင်းထောက်တွေနဲ့ အစိုးရ အမြင်မကြည်ချိန်တွင် အစိုးရအတွက် ထောက်ပြစရာ တစ်ကွက်တိုးသွားမည်ဟု ဆိုသည်။
ဒါ အသားထဲက လောက်ထွက်ခြင်းပင်။ ကိုယ်ပေါင်ကိုယ်လှန်ထောင်းခြင်းပင်။ ဟု ပြောကြသည်။ (ဖွသည့် အထဲတွင် စိုပြေမပါ)
ဖွသည့်လူတွေကိုလည်း လက်ဆောင်ယူခြင်းနှင့် ကင်းလွတ်ဖူးရဲ့လားဟု မေးကြသည်။ ပွဲများတွင် တကြိမ်တခါတော့ တစ်ခုခုယူဖူးခဲ့သူ၊ ထမင်းဖြစ်ဖြစ်၊ အရက်ဖြစ်ဖြစ် စားခဲ့ဖူး၊ သောက်ခဲ့ဖူးသူတွေသာ
ဖြစ်သည်ဟု သက်သေနှင့် တကွ ဖော်ထုတ်ကြသည်။

ဒီလိုမျိုး အော်ရီဒူးက ဖုန်းတွေ ဆင်းကဒ်တွေ ထီးတွေ ပေးသည်ကိုမသွားလိုက်မိ၍ စိုပြေ ကိုယ့်ကိုကိုယ်စိတ်ဆိုးနေမိသည်။
သွားလိုက်လျှင် စိုပြေလည်း လက်ဆောင်ရမည်။ မရလျှင် လုမည်။
အို... ဘာပဲဖြစ်ဖြစ်... ပွဲသွားမသွား စိုပြေလည်း သတင်းထောက်မို့ ဆင်းကဒ်နှင့် ဟမ်းဆက်တော့ ရထိုက်သည်။
အော်ရီဒူး ကုမ္ပဏီကို သွားပြီး ကျနော်သတင်းထောက်ပါဟု ပြောကာ သွားတောင်းလျှင် ကောင်းမလားဟု စဉ်းစားမိသေးသည်။
မဖြစ်သေး။ ရှက်လို့တော့မဟုတ်။ အော်ရီဒူးကုမ္ပဏီ ဘယ်နားရှိမှန်းမသိ၍ဖြစ်သည်။

စိုပြေ့ စိတ်ထဲ ဘ၀င်မကျသည့် အဆုံးတွင်တော့
တလတခါ ထုတ်ဝေသော သံချောင်းနေ့စဉ်သတင်းစာ အယ်ဒီတာချုပ် ဦးသံချောင်းကို ရင်ဖွင့်မိတော့သည်။
“ကျုပ်လည်း သတင်းထောက်ပဲ ဖုန်းလိုချင်တောပေါ့ဗျာ။ တကယ်ဆို ရန်ကုန်မြို့မှာ ရှိတဲ့ ဂျာနယ်တိုက်တွေကို သူတို့ကိုယ်တိုင် ဖုန်းတွေ လိုက်ဝေသင့်တာပေါ့။
အခုဆို ရတဲ့လူရ၊ မရတဲ့လူမရနဲ့။ စိတ်ဆင်းရဲတယ်ဗျာ” စိုပြေက ဆိုလိုက်လျှင်
“စိတ်မပူပါနဲ့ တပဲ့ရာ....ငါ့မှာ အကြံအစီ ရှိပါတယ်” ဟု ဦးသံချောင်းကပြန်ပြောကာ သူ့အကြံအစီကြီးကို ပြောပြလေတော့၏။

ဦးသံချောင်း၏ အကြံအစီကတော့ လက်ဆောင်ပစ္စည်းအ၀ယ်ဒိုင်ဖွင့်ရေးပင်။
သတင်းထောက်များ ရလာသော လက်ဆောင်ပစ္စည်းများကို ဦးသံချောင်းက သူခိုးဈေးဖြင့် ၀ယ်ယူမည်ဖြစ်သည်။
ယခုလို အော်ရီဒူး ဖုန်းကို သတင်းထောက်တွေ လုသည့် ကိစ္စက ပျံ့နှံ့နေသဖြင့် သတင်းထောက်များ လက်ဆောင်လုထားသည့် အော်ရီဒူးဖုန်းကို ကိုင်ရဲမည်မဟုတ်ဟု ဦးသံချောင်းက ထွက်သည်။
ထိုဖုန်းများကို အောက်ဈေးဖြင့် ၀ယ်မည်ဟု ဦးသံချောင်းက သတင်းလွှင့်လိုက်သည်။
ထိုနေ့ညမှာပါပင် လက်ဆောင်လုလာခဲ့သော သတင်းထောက်အပေါင်းတို့သည် သံချောင်းသတင်းစာတိုက်ရှိရာ လာရောက်ကာ တိုးတိုးတိတ်တိတ် ရောင်းလေတော့သည်။
အောက်ဈေးဖြင့် ဆင်းကဒ်နှင့် ဟန်းဆက်များရသဖြင့် ဦးသံချောင်းလည်း ပွသွားလေ၏။
ဒါကြောင့်... “ ဒီစီးပွားရေးမဆိုးဘူးဟ။ သတင်းစာ ထုတ်တာမှ ရှုံးသေးတယ်။ ဒါက မြတ်တယ်” ဟု ရေရွတ်ကာ
မြေနီကုန်းက မခင်အေးနှင့်အပြိုင် သတင်းထောက်လက်ဆောင်ပစ္စည်းအရောင်းအ၀ယ်ဆိုင် ဖွင့်ရန်ထပ်မံ ကြံစီလေတော့သည်။

ထိုဆိုင်တွင်တော့ သတင်းထောက်များကို ပေးလိုသော လက်ဆောင်အမျိုးမျိုးရနိုင်ရန် စီမံထားမည်။
သတင်းထောက်များ ရလာသော လက်ဆောင်များကိုလည်း အောက်ဈေးဖြင့် ပြန်ဝယ်မည်။
တခါတရံ လက်ဆောင်မယူရသော သတင်းစာတိုက်မှ သတင်းထောက်များနှင့် လက်ဆောင်မနိုင်မနင်းဖြစ်နေသော လူများအတွက် လက်ဆောင် ကူလီ ထမ်းပေးခြင်း ၀န်ဆောင်မှုကို လုပ်ပေးဦးမည် ဟု
ဦးသံချောင်းက ဆိုသည်။
စိုပြေ့ကတော့ သတင်းထောက်များနှင့် သိနေသဖြင့် လက်ဆောင်ကူလီ ထမ်းပေးရမည်ဖြစ်သည်။
ကံကောင်းပေစွ။


2:29 AM 8/3/2014
From: စိုပြေ

www.mmdailystar.com
Related Posts Plugin for WordPress, Blogger...