Monday, 22 September 2014

အယ်လ်ကိုင်ဒါအဖွဲ့ ခြိမ်းခြောက်မှုသည် စိန်ခေါ်မှုတစ်ရပ်ဖြစ်ကြောင်း ကာချုပ်ပြော၊ တပ်မတော်က ဦးဆောင်ကာကွယ်ပေးသွားမည်ဟု ဆို

မြန်မာနိုင်ငံသည် ဗုဒ္ဓ ဘာသာကို မိရိုးဖလာကိုးကွယ် သည့်နိုင်ငံဖြစ်သော်လည်း အခြား ဘာသာကိုးကွယ်မှုများအား လွတ် လပ်စွာကိုးကွယ်ခွင့်ပြုထားပြီး ဘာသာရေးကိုအကြောင်းပြု၍ အယ်လ်ကိုင်ဒါအဖွဲ့၏ မြန်မာ အပေါ် ဘာသာရေးစစ်ပွဲဆင်နွှဲ မည့် ခြိမ်းခြောက်မှုမှာ စိန်ခေါ်မှု တစ်ရပ်ဖြစ်လာကြောင်း တပ်မ တော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် က ပြောကြားသည်။

အယ်လ်ကိုင်ဒါ၏ စိန်ခေါ်မှု ကို ဖွဲ့စည်းပုံအခြေခံဥပဒေက ပေးအပ်ထားသည့်အခွင့်အာဏာ အရ တပ်မတော်က ဦးဆောင် ကာကွယ်သွားမည်ဖြစ်ကြောင်း ကာချုပ်က အခြေခံဥပဒေပုဒ်မ ၃၃၉ နှင့် ၃၄၁ တို့ကိုကိုးကား၍ ဆက်လက်ပြောကြားသည်။
ပြည်သူများ၏ အခြားဘာ သာကိုးကွယ်မှုနှင့်ပတ်သက်၍ ဖွဲ့စည်းပုံ အခြေခံဥပဒေ ပုဒ်မ ၃၆၄၊ ၃၆၂ နှင့် ၃၆၃ အရ လွတ် လပ်စွာ ကိုးကွယ်ခွင့်ပြုထားပြီး အသိအမှတ်လည်း ပြုထား ကြောင်း ကာချုပ်က နိုင်ငံတော် ကာကွယ်ရေးတက္ကသိုလ်၌ စက် တင်ဘာ ၁၉ ရက်က ပြောကြား သည့်မိန့်ခွန်းတွင် ထည့်သွင်းပြော ကြားခဲ့သည်။

ဘာသာရေးကို အကြောင်း ပြ၍ မည်သူမျှအခက်အခဲအကျပ် အတည်းဖြစ်အောင် မလုပ်သင့်ဘဲ တိုင်းရင်းသားများနှင့် နိုင်ငံတော် အပေါ် ထိခိုက်စေမည့် ပြောဆို ဟန့်တား လုပ်ဆောင်မှုများကို မည်သူမျှ ပြုလုပ်ကြမည်မဟုတ် ကြောင်း၊ နိုင်ငံတော်နှင့် တိုင်းရင်း သားများ ဒုက္ခအကျပ်အတည်း မဖြစ်ရအောင် ဝိုင်းဝန်းကာကွယ် ရမည်ဖြစ်ကြောင်း ကာကွယ်ရေး ဦးစီးချုပ်က ပြောကြားသည်။

ပုဒ်မ ၃၃၉ မှာ ပြည်တွင်း၊ ပြည်ပဘေးအန္တရာယ်ကျရောက် ပါက တပ်မတော်က ကာကွယ် ရေးတွင် ဦးဆောင်ရမည်ဖြစ်ပြီး ပုဒ်မ ၃၄၁ မှာ နိုင်ငံတော်တွင် နိုင်ငံတော်နှင့် နိုင်ငံသားတို့ အတွက် ဘေးအန္တရာယ်ကျရောက်ပါက တပ်မတော်က ကူညီဆောင်ရွက် ရမည်ဟု ပြဋ္ဌာန်းထားသည်။
အယ်လ်ကိုင်ဒါ ခေါင်း ဆောင်၏ ခြိမ်းခြောက်မှုမှာ ဝါဒ ဖြန့်ဖြူးခြင်းနှင့် ၎င်းတို့အဖွဲ့ကို ကမ္ဘာက အာရုံပြန်စိုက်လာစေရန် လုပ်ဆောင်ခြင်းသာဖြစ်ကြောင်း နိုင်ငံတကာသတင်းများက သုံး သပ်ဖော်ပြကြသည်။ သို့သော် ပြည်တွင်းသတင်းထောက်လှမ်း မှုများနှင့် မြေပြင်အခြေအနေများ အရ မြန်မာနိုင်ငံ၏ လက်ရှိလုံခြုံ ရေးကို သာမန်အဆင့်မှ တစ်ဆင့် မြှင့်လုံခြုံရေးသို့ တိုးမြှင့်ထား ကြောင်း ပြည်ထဲရေးဝန်ကြီးဌာန မှ အဆင့်မြင့်ရဲအရာရှိကြီးတစ်ဦး က ပြောကြားသည်။

‘‘အခုက သတိထားတဲ့ အဆင့်ပေါ့။ အကြမ်းဖက်ဖို့ သတင်းရတယ်ဆိုရင် လုံခြုံရေးကို အဝါရောင် သတ်မှတ်တယ်။ နောက်တစ်ဆင့် တိုက်ခိုက်ဖို့ အစ ပျိုးတာသိရရင် လိမ္မော်ရောင်၊ လုံးဝတိုက်ခိုက်ပြီဆို အနီရောင် ပေါ့။ အခုက ပုံမှန်နဲ့အဝါရောင် ကြားအဆင့်ပေါ့။ တပ်မတော်ကာ ကွယ်ရေးဦးစီးချုပ်ပြောတာလည်း မှန်တယ်။ ဖွဲ့စည်းပုံအခြေခံဥပဒေ မှာလည်း ပြဋ္ဌာန်းထားတယ်။ တကယ်တမ်းဖြစ်လာရင် တပ် အကူအညီက ပိုလိုတယ်’’ဟု ၎င်း က ပြောသည်။

နိုင်ငံတိုင်းသည် မိမိနိုင်ငံ၏ အချုပ်အခြာအာဏာတည်ရှိမှုကို ကာကွယ်ရန်၊ ပိုင်နက်နယ်မြေနှင့် နိုင်ငံ၏ ရှင်သန်ရပ်တည်မှုခိုင်မြဲ စေရန်နှင့် တိုင်းရင်းသားပြည်သူ များ၏ အသက်အိုးအိမ်စည်းစိမ် ထိခိုက်မှုကို ကာကွယ်ရန် လို ကြောင်း ကာကွယ်ရေးဦးစီးချုပ်က ၎င်း၏မိန့်ခွန်းတွင် အထူးအလေးထား ပြောကြားသွားခဲ့သည်။

အယ်လ်ကိုင်ဒါ၏ ခြိမ်း ခြောက်မှုကို ပြည်တွင်းနေ မွတ် စလင်အသိုင်းအဝိုင်းတို့က ဆန့် ကျင်ရှုတ်ချခဲ့ပြီး မည်သည့်အကြမ်းဖက်မှုမျိုးကိုမှ လက်ခံမည် မဟုတ်ကြောင်း မွတ်စလင် အစည်းအရုံးက ကြေညာချက်တစ်စောင် ထုတ်ပြန်ခဲ့သည်။

From: 7Day Daily

www.mmdailystar.com

ဂျနီဖာလောရင့်စ်နှင့် ကျော်ကြားသူအချို့ အဖော်အချွတ်ဓာတ်ပုံများ ထပ်မံဖော်ပြခံရ

 ဟောလိဝုဒ် သရုပ်ဆောင်မင်းသမီး ဂျနီဖာ လောရင့်စ်၏ အဖော်အချွတ် ဓာတ်ပုံသစ်များသည် စက်တင် ဘာ ၂၀ ရက်တွင် အွန်လိုင်း၌ ထပ်မံဖော်ပြခြင်းခံခဲ့ရသည်။
စက်တင်ဘာ ၂၀ ရက်တွင် အွန်လိုင်း၌ အဖော်အချွတ်ရုပ်ပုံ များဖြင့် ထပ်မံဖွင့်ချခံရသော ကျော်ကြားသူများထဲတွင် ကင် ကာဒက်ရှီယန်၊ ကိတ်အပ်တန်၊ ဗစ်တိုးရီးယားဂျက်စတစ်၊ ဟွတ် ဆိုလို၊ လီလီဆိုဘိုင်းစကီး၊ ဟေ ဒင်ပန်နက်တီးယားတို့လည်း ပါဝင်သည်။
လွန်ခဲ့သည့် သီတင်းသုံးပတ် ခန့်ကလည်း ကျော်ကြားသူအချို့ ၏ အဖော်အချွတ်ဓာတ်ပုံများ အွန်လိုင်းတွင် ဖော်ပြခံရသည်။ စက်တင်ဘာ ၂၀ ရက်တွင် ဟက် ကာများသည် ကျော်ကြားသူများ ၏ အဖော်အချွတ်ဓာတ်ပုံသစ်များ ကို 4chan နှင့် Reddit ဝက်ဘ် ဆိုက်များ၌ ထပ်မံဖော်ပြကြောင်း နှင့် ယင်းဝက်ဘ်ဆိုက်များသည် ဓာတ်ပုံများကို လျင်မြန်စွာဖယ် ရှားပစ်ခဲ့ကြောင်း TMZ သတင်း က ဖော်ပြသည်။
ပြီးခဲ့သည့် ဩဂုတ်လက အွန်လိုင်းစာမျက်နှာများတွင် ပျံ့နှံ့ခဲ့သော ကျော်ကြားသူများ၏ အဖော်အချွတ်ပုံများကို ၎င်းတို့၏ ဖုန်းများရှိ iCloud အက်ပလီကေး ရှင်းမှ ဟက်ကာများက ခိုးယူခဲ့ ခြင်းဖြစ်သည်။
—Ref: Hollywood Life

From: 7day daily

www.mmdailystar.com

မမှောက်ခင်က ပျောက်နေသော ဆီးသီးဗန်း


ငါးတန်းကျောင်းသူ ညီမအငယ်ဆုံး မယ်ရွစိ က အော်ကြီးဟစ်ကျယ်ပြောပြီး ဂျာနယ်တစ်ခု လာထိုးပြသည် ။
ဘယ်နှယ့်..ကြံကြံဖန်ဖန် လွှတ်တော်ထဲ ဘယ်က ဆီးသီးသည်က ရောက်နေတာတုန်း ဆိုပြီး ဗြိတိသျှတစ်ယောက် ရုတ်တရက် အံသြမိသွားသေးသည် ။
သတင်းကို သေချာဖတ်ကြည့်မှ အော် ဂလိုကိုး ဟု ရေရွတ်မိသည် ။
“ကိုကြီးရေ…လွှတ်တော်ထဲမှာ ဆီးသီးဗန်း မှောက်ကျလို့တဲ့..ဒီမှာ သတင်းထဲပါလာတယ်”

သတင်းက “ပွဲဈေးတန်းမှာ ဆီးသီးဗန်းမှောက်ကျသလိုပဲ ၊ မှောက်လည်းကျရော ဟိုလူက တစ်ဆုပ် နှိုက်စား၊ ဒီလူက တစ်ဆုပ်နှိုက်စား ဆီးသီးက တစ်ဝက်လောက်ပဲကျန်တယ် ၊ဘတ်ဂျက်က အဲ့ဒီလိုဖြစ်နေတယ်” ဟုပြီး ပြည်ထောင်စုလွှတ်တော်ဥက္ကဌကြီးက ၀န်ကြီးဌာနဘတ်ဂျတ်များကို ဥပမာပေးသွားတဲ့သတင်းဖြစ်နေလေ၏ ။
အစိုးရ၀န်ကြီးဌာနတွေကို လွှတ်တော်က ခွင့်ပြုချပေးတဲ့ ဘတ်ဂျတ်တွေ အောက်ခြေကို မရောက်ခင်မှာပဲ တစ်ဝက်လောက်ပျောက်သွားလေသည်တဲ့…။
ဥက္ကဌကြီး၏ ဥပမာလေးကောင်းသော်လည်း မှားနေသည်ဟု ဗြိတိသျှ ထင်သည် ။
ဒီ ဆီးသီးပျောက်သည့် ကိစ္စက အခုမှဖြစ်နေတာမဟုတ် ။ ဟိုးအစိုးရလက်ထက်အဆက်ဆက်ထဲက ဆီးသီးတွေ ပျောက်ဆုံးနေခြင်းပင် ။
ဒါကို အခုမှ သိသည့် လွှတ်တော်ဥက္ကဌကြီးနှင့် လွှတ်တော်အမတ်များကိုလည်း ဗြိတိသျှ အံသြမိသည် ။
ပြီးတော့ ဥက္ကဌကြီး ပြောသလို ဆီသီးဗန်း မှောက်မှ ပျောက်သည် မဟုတ် ။ ဆီသီးဗန်းမမှောက်ခင် ဆီသီးတွေက ပျောက်နေခြင်းဖြစ်သည် ။
အနှီ ဆီးသီးပျောက်မှုသည်ကား ရှားလော့ဟုမ်းတို့ ၊ ဆားပုလင်းနှင်းမောင်တို့ပင် လက်မှိုင်ချရမည့်ကိစ္စ ။
အဘယ်ကြောင့်ဆိုသော် ဆီးသီးခိုးသူတို့ကား ဒေးဗစ်ကော်ပါဖီးတို့ ၊ စက္ကောမတို့လို မျက်လှည့်ဆရာများထက်ပင် အဖျောက်အဖျက် မျက်လှည့်တော်သူများဖြစ်သည် ။
တစ်ချို့များဆို ဘိလပ်မြေအိတ်များ ၊ သံချောင်းများကို ကားအစီးလိုက်ဖျောက်ပြနိုင်ရုံမက
ကိုယ်ရောင်ပင် ဖျောက်နိုင်သည်ဟု ဗြိတိသျှ ကြားဖူးသည် ။
အံသြဖွယ်ကောင်းပေစွ..။
လွှတ်တော်ဥက္ကဌကြီး စကားကို ဖတ်မိတော့ ဗြိတိသျှတို့ ရွာက ဇီးသီးသည် မ၀င်း အဖြစ်ကို သွားသတိရသည် ။


မ၀င်း အဖြစ်ကလည်း လွှတ်တော်ဘတ်ဂျက်ကိစ္စနှင့် ခပ်ဆင်ဆင် ။
မ၀င်းက တကယ်တော့ ဈေးသည်မျိုးရိုးမဟုတ် ။ ကလေးနှစ်ယောက်အမေ ၊ မုဆိုးမ ဖြစ်သည် ။
တစ်နေ့ ရွာမှ ဘုရားပွဲလုပ်မည်ဆိုတော့ မ၀င်း လည်း ဈေးရောင်းဖို့ကြံစည်သည် ။
အရင်းအနှီးသိပ်မစိုက်ရသည့်ပစ္စည်းကို မ၀င်းရွေးချယ်သည် ။
မ၀င်းရွေးချယ်လိုက်တာက ရွာဦးဘုရားဝန်းထဲက ဆီးပင်ကြီးဖြစ်သည် ။ ဆီးပင်ကြီးတွင် ဇီးသီးတွေပြွတ်နေအောင်သီးနေသည် ။
ဆီးပင်ဆိုတာက ဆူးတွေအများကြီး ၊ ပြီးတော့ ဒီဆီးဇီးပင်ကြီးမှာက ပျားတွေကရှိသေးသည် ။
ဒီတော့ ဇီးသီးကို ဘယ်သူမှ အပင်ပေါ်တက်မခူး ။ ကြွေကျသည်ကိုသာစားကြသည် ။
ဘုရားပွဲနေ့မတိုင်မီတွင် မ၀င်းက ဆီသီးရောင်းဖို့ ဗန်းတစ်ခုအကြွေးနဲ့ဝယ်သည်။
ပြီးတော့ သူ့သားနှစ်ယောက်နှင့်အတူ ပျားတုပ်ခံ ဆူးဆူးခံပြီး ဆီးပင်ပေါ်တက်ပြီး ဆီးသီးလှုပ်ချသည် ။
မနက်ဖြန်ပွဲဈေးတွင်ရောင်း၇န်အတွက် ဆီသီးတော်တော်များများရတော့ အိတ်ထဲထည့်ပြီး ဘုရားဝန်းထဲကထွက်သည် ။
အဲဒီမှာ ဘုရားဂေါပကလူကြီးတွေက မ၀င်းကိုလှမ်းခေါ်တော့သည် ။
ဘုရားဝန်းထဲက ဆီးသီးကို ခူးသည့်အတွက် ဂေါပကအဖွဲ့နှင့်ဆိုင်သည်ဆိုကာ ဂေါပကလူကြီးသုံးယောက်က တစ်ယောက် လက်တစ်ဆုပ်ဝိုင်းနှိုက်ထားသည် ။
ကျန်သည့်ဇီးသီးလေးနှင့် မ၀င်း အိမ်ပြန်သည် ။
လမ်းမှာ ရွာသူကြီး နှင့်တွေ့သည်။ ရွာမြေမှာ ပေါက်သည့်ဆီးပင်က ဆီးသီးဖြစ်သည့်အတွက် လက်တစ်ဆုပ် ၊ ယာအိမ်မှူးနှင့်တွေ့သည် လက်တစ်ဆုပ် ၊ ဆယ်အိမ်မှူးနှင့်တွေ့သည် လက်တစ်ဆုပ် ၊ နောက်ဆုံး ဘုန်းကြီးကျောင်းက ကပ်ပိယကြီးကပင် ဆရာတော်ကြီးကပ်ဖို့ ဟုဆိုကာ တစ်ဆုပ်နှိုက်ထားလိုက်သေးသည် ။
နောက်ဆုံးတော့ ဘုရားပွဲနေ့အတွက်ရောင်းဖို့ မ၀င်းကောက်ထားသည့် ဆီးသီးက နည်းနည်းသာကျန်တော့သည် ။
ဘုရားပွဲနေ့ရောက်တော့လည်း ဈေးတန်းနေရာလေးရဖို့အရေး အရံမီးသတ်က ဆီးသီးတစ်ဆုပ်နှိုက် ၊ ကျေးရွာပြည်သူစစ်က တစ်ဆုပ်နှိုက်ဖြင့်နောက်ဆုံးတော့ အရင်းမရှိပဲ ဆီးသီးခူးရောင်းသည့် မ၀င်း အရင်းပြုတ်ပြီး ဆီးသီးဗန်းဖိုးသာ အကြွေးတင်သွားသည် ။
အဲ့ဒီကတည်းက မ၀င်း ရွာမှာ ဘယ်တော့မှ ဆီးသီးရောင်းမစားတော့တာ အခုထိဖြစ်သည် ။
မ၀င်းက ဆီးသီးဗန်းမမှောက်ပဲ ဆီးသီးပျောက်သွားခြင်းသာ ။
အခု လွှတ်တော်ဥက္ကဌကြီးသည် မ၀င်း ဇာတ်လမ်းကို သိနေသဖြင့် ဆီသီးဥပမာပေးခြင်းဖြစ်နိုင်သည် ။
လွှတ်တော်ဥက္ကဌကြီးသည် မ၀င်းနှင့် အမျိုးများတော်နေမလားဟု ဗြိတိသျှတွေးမိသေးသည် ။
ဘာပဲဖြစ်ဖြစ် ဗြိတိသျှတို့ မြန်မာနိုင်ငံကြီးတွင် ဆယ်စုနှစ်နှင့်ချီ ပျောက်နေသည် ဆီးသီးများကိစ္စကို အခုလို အရေးတယူထောက်ပြလာ သည်က တော့ ပြည်သူလူထုအတွက် ၀မ်းသာဖွယ်ဖြစ်သည် ။
ခေတ်အဆက်ဆက် ဆီးသီးသူခိုးများကတော့ စားလို့ဝလို့ ဆီးသီးတွေပင် အ၀ှာတစ်တွင်းပြည့်နေလောက်ပြီ ဟု တစ်ချို့က ဆိုကြသည် ။


လက်ရှိ ဆီးသီးခိုးစားနေသူများကတော့ စားလက်စ ဆီးသီးလေးပင် လည်ပင်းတွေ တစ်နေလောက်ပြီဟု ဆိုသူလည်းရှိသည် ။
အကောင်းမြင်သမား ဗြိတိသျှကတော့ ဒီလိုမမြင်..။
အစိုးရမှ ချပေးသော ဘတ်ဂျက်အများစုသည် သက်ဆိုင်ရာ ၀န်ကြီးဌာနအဆင့်ဆင့်သို့ ဖြတ်ကျော်ပြီးနောက် အောက်ခြေမြေပြင်အဆင့်တွင် ဘတ်ဂျက်၏ သုံးပုံတစ်ပုံသာ ရောက်သည်မှာ မြန်မာ့ဝန်ထမ်းလောက၏ ထုံးစံလို ဖြစ်နေသည်ကို သာမန်ပြည်သူတွေတောင် သိပြီးကိစ္စဖြစ်သည် ။
ရှေးထုံးလည်း မပယ်နှင့် ၊ ဈေးသုံးလည်းမကြွယ်နှင့်ဆိုသော မြန်မာစကားပုံရှိသည်မဟုတ်လား။
ဒီတော့ ၀န်ကြီးဌာနမှ ၀န်ကြီး ၊ ညွှန်ကြားရေးမှူးများမှအစ ၀န်ထမ်းများအနေဖြင့်လည်း ရှေးထုံးကို လွယ်လွယ်နှင့် ပယ်ချင်မည်မဟုတ် ။
ဒါကလည်း မြန်မာတို့၏ ထုံးတမ်းစဉ်လာကို ထိန်းသိမ်းသည့် ချစ်စရာဓလေ့လေးတစ်ခုဟု ဗြိတိသျှက ကြံဖန်ချီးကျူးချင်သည် ။
နောက်ပြီးတော့ ၀န်ကြီးဌာနများအနေဖြင့်လည်း အောက်ခြေ၀န်ထမ်းများကို ငွေကြေးနည်းနည်းဖြင့် စီမံကိန်းအောင်မြင်နိုင်သည့် အရည်အသွေးမျိုးပိုင်ဆိုင်အောင် တမင်တကာ ဆီသီးကျွေးပြီး ပြုစုလေ့ကျင့်ပေးခြင်းဖြစ်နိုင်သည် ။
သိန်းငါးထောင်ဖြင့် အက်စတီမိတ်တွက်ချက်ထားသော တံတားတစ်စင်းကို သိန်းနှစ်ထောင်လောက်ဖြင့် အပြီးဆောက်နိုင်သည့် အင်ဂျင်နီယာအတတ်ပညာမျိုးကား ဘယ်နိုင်ငံမှာမှ မရှိသေး။
ဗြိတိသျှတို့ မြန်မာပြည်တစ်ခုတည်းတွင်ရှားရှားပါးပါးတွေ့မြင်နိုင်မည်ဖြစ်သည် ။
ဒါတင် ဘယ်ဟုတ်သေးလို့လဲ..။
စီမံကိန်းကြီးပြီးသည်နှင့် အနှီဝန်ကြီးဌာနမှ ရာထူးကြီးငယ်အဆင့်ဆင့်တို့၏ နေစရာတိုက်အိမ်များကိုပင် တစ်ပြိုင်နက်ဆောက်သွားနိုင်ကြသည်လည်း တွေ့ရသည် ။
ယင်းကား ဆီသီးစားပြီး ဖန်တီးပြသွားသည့် အံမခန်း ဗိသုကာအတတ်ပညာမျိုးဖြစ်သည် ။ ရွှေမြန်မာတို့အတွက် ဂုဏ်ယူဖွယ်ရာပင် ။


ဆီးသီး အကြောင်းတွေးနေရင်း နောက်သတင်းတစ်ပုဒ် ထပ်ဖတ်မိပြန်သည် ။
မြန်မာအစိုးရမှ နိုင်ငံခြားသို့ ကြွေးမြီ ဒေါ်လာ (၉)ဘီလီယံ ပေးရန် ရှိ ဟူ သည့် သတင်းပင် ။
ဒီ (၉)ဘီလီယံသော ဆီးသီးတွေကတော့ တကယ် ချီးပန်းမည့် ကိစ္စဖြစ်သည် ။
ဘယ်သူက ဘယ်လို ဘယ်တုန်းက နှိုက်စားသွားပါလိမ့်ဟုလည်း တွေးမိသေးသည် ။
ဗြိတိသျှ တို့လို ခပ်ချာချာ ပြည်သူတွေ နှိုက်မစားခဲ့တာတော့ သေချာလေ၏ ။
ခက်တော့လည်း ခက်သည် ။
ကြွေးတင်ရှင်ဘုရင်ဆက်လိမ့်မည် ဆိုသည်စကားပုံအစား အခုတော့ ရှင့်ဘုရင့်ကြွေး တိုင်းပြည်ဆပ်ပေးရတော့မလိုပင် ။
ဆီးသီး ဥပမာလေးကြားရတော့ ဦးခင်အောင်မြင့် ၏ ဆီးသီးလေးနှင့် ဦးလှဆွေ၏ ငံပြာရည်လေး တို့စားလိုက်ရင် ဘယ်လောက်ကောင်းလိုက်မလဲဟု တွေးမိကာ ဗြိတိသျှတစ်ယောက်သွားရည်ပင် ယိုမိသေးသည် ။
ဘာပဲဖြစ်ဖြစ် ဒီလို ဥပမာလေးတွေကြားရလျှင် လွှတ်တော်ထဲမှ ဗြိတိသျှ၏ မိတ်ဆွေကြီး ဦးလှဆွေကို သတိရမိသေးသည် ။
မိတ်ဆွေကြီးဆိုလျှင် မမှောက်ခင်က ပျောက်ချင်နေသော ဆီးသီးဗန်းကိစ္စ ဘယ်လို ဥပမာပေးလေမည်မသိ ။
အခုတော့ သူ့ခမျာ ဖေ့ဘွတ်ပေါ်မှာ ရေခဲရေလောင်းချိုးပြပြီးကတည်းက ပျောက်ကွယ်သွားရှာသည် ။
ဘူးလက်ကြီး ၏ နာမည်ကျော်ကြားမှုကို အဘယ်မနာလိုသူ လူ့သရမ်းအချို့ကများ ဖျက်လို့ဖျက်ဆီး နေကြသည်ထင် ။
ဘာပဲဖြစ်ဖြစ် ဆီးသီးဗန်းတွေထဲက ဆီးသီးပျောက်သည့်ကိစ္စကို သက်ဆိုင်ရာတွေက ကော်မတီဖွဲ့ ကိုင်တွယ်မည်ဟု ဆိုနေပြီဖြစ်သည် ။
မြန်မာပြည်လောက် ကော်မတီများသည့် နိုင်ငံကမ္ဘာမှာ ရှိမည်ဟု ပင်မထင် ။
အရေးကြီးသည်က ဆီးသီးပျောက်တရားခံရှာမည်ဆိုသည့် ဆီးသီးကော်မတီဝင်တွေ ဆီးသီးစားပြီး အီအီး ပန်းမသွားဖို့ပင်။
သို့သော် အခု ဆီးသီးသည် ဗြိတိသျှ တို့ ငယ်ငယ်က စားသည့် ဆီးသီးလို့ အစားများလျှင် အီအီးပန်းသည့် ဆီးသီးမဟုတ် ။
အခု ဆီးသီးကား….
အစားများလျှင်….တံတားကြီး ကြိုးသွားနိုင်သည့် ဆီသီး ။
အစားများလျှင်…အဆောက်အဦးကြီး ပြိုသွားနိုင်သည့် ဆီးသီး ။
အစားများလျှင်….လမ်းများ ပေါက်ပြဲသွားနိုင်သည့် ဆီးသီး..။
အစားများလျှင်…….အင်းစိန်မော်စကိုတွင် သက်ပြည့်ပင်စင်သွားယူရမည့် ဆီးသီး မျိုးဖြစ်လေသတည်း….။
ဥုံ သျှရီ.သျှရီ….မြန်မာပြည် ဆီးသီးဗန်းများ အန္တရာယ်ကင်းကြစေသော်ဝ်……


ဗြိတိသျှကိုကိုမောင် (သံချောင်းပါတီ)
From:Koko Maung

www.mmdailystar.com

ငြုပ်သီးနှင့် အသက်တချောင်း...



၁၉၈၅ ကချင်ပြည်နယ် ကောက်ကွေ့ မန်ဝယ်
KIA တပ်ရး ၅/ ၆ /၁၃ စစ်ဆင်ရေး မိုးအကုန်
ဆောင်အကူး အနောက်တောင်တိုင်းစစ်ဌာနချုပ်
လက်အောက်ခံတပ်ရင်းများ ခလရ ၃၆ / ၁၈ / ၂၇
/ ၅၁ တပ်ရင်းများဖြင့်စစ်ဆင်ရေးစတင်ခဲ့လေသ
ည် မပခ မြောက်ပိုင်းတိုင်း တိုင်းမှူးက ဗိုလ်ချုပ်
ကျော်ဘ ( ဗိုလ်မှူး ချုပ် Lခွန်ဖန် KIA မှ ချောင်း
မြှောင်းပစ်ခတ်လုပ်ကျန်ခံကျဆုံးခါစ ) ထိုးစစ်စ
စခဲ့လေပြီ ရိက္ခာကို နည်းစပ်ရာ ရိက္ခာပုံစခမ်းများမှ
ထုပ်ယူပြီး စတင်ထွက်ခွါချီတက်ရလေပြီး ဆက်
တိုက် တ်ုက်ပွဲများဖြစ် မရပ်မနားနေ့ စင်တိုက်ပွဲက
ဖြစ်ကျလေသည် ရက်ကြာလာတာနှင့်အမျှ ရန်သူ့ 
နယ်မြေအတွင် ပိုမိုရောက်ရှိလာလေပြီ ရန်သူနယ်
မြေအတွင်းနယ်ကျွန်လာသည်နှင့်အမျှ နောက်က
ရိက္ခာစခန်းနှင့် ဝေးသထက်ဝေးလာလေသည်
ရိက္ခာမိမ်တပ်ရောက်ဖို့ ကခက်ခဲလေပြီ တောဆောင်းဦးထုပ်ကို
မြေကျင်းတူးထည့် စပါးထ
ည့်ထောင်း စပါးနှင့်ဆန်လုံးမသဲမကွဲနှင့်ချက်စားရ
တဲ့ မခါကများလာတော့ ငတ်လာလေသည်
စားစရာပြတ်လာသလို ထမင်းနဲ့ စားရတဲ့တွဲဘက်
အစားအစာတွေကရှာလာလေသည် တနေ့ 
ရန်သူ့ စခန်းနှင့်နီးလာလေပြီး မနက် ၉ နာရီလောက် စထွက်လို့  တစ်မိုင်ပင်မရှိသေးတိုက်
ပွဲစဖြစ်လေသည် မကြာလိုက် ရန်သူစုပ်ခွါထွက်
ပြေးလေသည် ဆက်တိုက်လိုက်လံပစ်ခတ်ချေမှုန်းရာ
တောင်ယာအဟောင်းအတက်လမ်းနှစ်ခွတွင်
ကျနော့အား မင်းဟိုဘက်ကတက် တောင်ယာ
ပေါ်ရောက်ငါနဲ့ စုံမယ် မင်းနဲ့  ၃ ယောက်ခေါ်သွား
မိုင်းသတိထား ဆက်လုပ် ဆိုပြီးဆက်ထွက်ရာ
ချောင်းကတောင်ယာအတက် ခြေမျက်စိလောက်
ရေဘဲရှီသည် ဆရာက ဟာဟိုမှာ ငြုတ်သီးတွေ
ကွဟုဆိုကာ ပြောပြောဆိုဆိုပြေးကောက်လေ
သည် စစ်မြေပြင်မှာ ငြုတ်သီးနဲ့ စစ်သားကလင်မ
ယား အသားမပါလိုဘာမှမဖြစ် ငြုတ်သီးမပါရင်
ထမင်းကစားမကောင်း ငြုတ်သီးရှိရင် ငပိ အစိမ်း
နှင့်စား ထမင်းတနပ်ပြီးလေသည်
ဒါကြောင့် ငြုတ်သီ ငါးတောင့်လောက်တွေ့ တာ
ကိူ ရွှေတွေ့ သလိုအားရဝမ်းသာပြေးကောက်လေသည်
ဆရာကသတိတော့ကောင်းသည် သဘာဝမကြ
သူနေရာသူမရှိ သစ်ပင်ကြီးအောက် ငြုတ်သီး
တွေ့ တာကိုမသင်္ကာ ကာဘိုင်သေနတ်ပြောင်း
ဖြင့်ထိုးကြည့်လိုက်သည် ဘာမှမထူးမှ ရှေ့ တိုး
ပြီးငြုတ်သီးကိုကုန်းကောက်လေသည် အုန်းက
ထဲ ဘုန်းကထဲပေါက်ကွဲသံနှင်အတူး မှောင်မဲပြီး
တောတခုလုံး မိုင်းကွဲစများ သစ်ရွက်သစ်ခက်
များထိမှန်သံများ ဖြိုးဖြိုးဖျောက်ဖျောက်နှင့်ဆူညံ
သွားလေသည် သွေးပူမေတော့ ဘာသံမှမကြားရ
ဆရာ တင်မောင်ဝင်းကသတ္တိကောင်းလှပေသည်
ဟေ့ကောင်တွေ ငါထိသွားပြီးလာဦးတဲ့ ကျနော်
တို့ အပြေးသွားကြည့်တော့ ဆရာရဲ့ ဘယ်ခြေတ
ဘက်က ဒူးဆစ်အခြေက ပြတ်သွားလေပြီ
မပြီးနေရာကောင်းရွှေ့ တော့ ဆရာက ဟေ့ကောင်
တွေငါကြည့်တဲ့  အစားမငန်းနဲ့ သတိထားတဲ့
သတ္တိခဲဆရာပါပေ တချက်မျှနာတယ်မအော်
ဆေးထည့်ပါတ်တီးစီး ခရီးထွက်ရဦးမည်
ဆရာ တပ်ခွဲမှူးအား ဗိုလ်မှူး ကျွန်ျတာ့အတွက်
မပူနဲ့  ရန်သူစခန်းဆက်တိုက်ပါ ကျနော့ ပြန်ပို့ နေ
ရင်ရန်သူတွေရှောင်သွားမယ် ဆက်တိုက်ပါဗိုလ်မှူးတဲ့
အထက်ဗျူဟာကလည်း
ဆက်လက်ချီတက်တိုက်ခိုင်းနေပြီး ဆက်ထွက်ပြီ
ဆရာဒဏ်ရာက ဆေးကမပြည့်စုံ
လမ်းခရီးကတောင်တက်တောင်ဆင်းအကွေ့ အ
ကောက်များတော့ သစ်ပင်နှင့်ဒဏ်ရာကတိုက်
ထမ်းတဲ့စစ်သည်ကချောလဲ အထမ်းကောလူနာပါ
ချောက်ထဲပြုတ်ကျ ညစခန်းခြတော့ မှောင်မဲနေ
သည့်ခြားမှ ကျနော်ဆရာသွားကြည့်တော့
ဆရာက ဟေ့ကောင်အေးဆေးဘာမှမပူနဲ့ ငါမ
သေဘူးတဲ့ မင်းတပ်စိတ်ကအလုပ်သွားလုပ်တဲ့
ဒါနဲ့ တပ်စိတ်ပြန်လာထမင်းချက်ကင်းစောင့်
ည ၁၀ နာရီထမင်းစားပြီးတော့ နားနေချိန်
တပ်ခွဲရုံးကဆက်သားလာတယ် မင်းတို့ ဆရာအ
ခြေအနေမကောင်းဘူးတဲ့ ဒါနဲ့ အပြေးအလွှာ
ကြည့်လိုက်တော့ ဆရာက ရဲ့့ ရဲ့ ပြုံးပြပြီး မျက်စိ
မိတ်ထားလေသည် ညကမှောင်နေပြီး အခြေအနေသိရအောင်
ဆရာမျက်နှာကို ဓါတ်မီး
မျက်နှာပြင်လက်ဝါးအုပ် မီးထိုးကြည့်ရသည်
ဆရာမဘုပ်တော့ ည ၁၂ နာရီကျ ဆရာလက်က
ဆေးတပ်သားနှင့် ကျနော့လက်အားလာစမ်းကိုင်
လေသည် စကားတော့မပြော လက်တွေကိုဖြစ်
ညှစ်နေလေသည် ၁၅ မိနစ်လောက်ကြားတော့
ဖြစ်ညှစ်ထားတဲ့ဆရာလက်တွေက ဖြေလျော့
သွားပြီး ကိုင်ထားသည့်လက်များပြုတ်ကြသွား
လေသည် ဆရာ တိုင်းပြည်ကိုစွန့် တပ်မတော်
ကိုစွန့် ခဲ့လေပြီ
ငတ် ပြတ် ချိန် ငြုတ်သီးတောင့်များက တပ်မတော်
သားတယောက်၏ ဘဝနဲ့ အသက်ကိုနှုတ်ယူ
သွားလေပြီ


From: ငါလိုယောင်္ကျား ပြဿဒါးမရှိ

www.mmdailystar.com

ပြည့်တန်ဆာလုပ်ငန်းလုပ်သည့်အိမ် ရဲဝင်ဖမ်း ၄ ဦးမိ

စက်တင်ဘာ၁၄ရက်ည၁၁နာရီ မိနစ်၅၀ကနေပြည်တော်ပုဗ္ဗသီရိမြို့နယ်အတွင်း
ပြည့်တန်ဆာလုပ်ငန်းလုပ်ကိုင်ကျော်စောနေသောနေအိမ်အားဝင်ရောက်ဖမ်းဆီး
ရှာဖွေရာ ပြည့်တန်ဆာကိစ္စလုပ်ကိုင်ရန် ရောက်ရှိနေသောအမျိုးသမီးလေးဦးနှင့်အတူ
ကြီးကြပ်သူနှင့်မန်နေဂျာအမျိုးသားနှစ်ဦးတို့ကိုဖမ်းဆီးရမိ အရေးယူခဲ့သည်။
အဆိုပါနေ့ည ၁၁ နာရီ မိနစ် ၅၀ က နေပြည်တော်ရဲတပ်ဖွဲ့မှူးရုံးမှရဲအုပ်အောင်သွင်ဦးနှင့်အဖွဲ့
သည်ပတ္တာနယ်မြေရဲစခန်းမှရဲအုပ်နေ၀င်းထွန်းအဖွဲ့ပူးပေါင်းပါဝင်လျက်သက်သေ
များနှင့်အတူ ပုဗ္ဗသီရိမြို့နယ် အောင်သာယာရပ်ကွက်အိမ်အမှတ် (၁၅/၁၂၅၇) ၂၁ လမ်းရှိ
ဦးစိန်မောင်(၆၅)နှစ်၏နေအိမ်တွင် ပြည့်တန်ဆာလုပ်ကိုင်နေကြောင်း သတင်းအရ ၀င်ရောက်
ရှာဖွေရာ ဦးစိန်မောင်၏ ကြီးကြပ်မှုဖြင့် ဆိုင်မန်နေဂျာဇော်နိုင်အသက်(၃၀) ပဒဲကျေးရွာ တောင်ငူမြို့နယ်နေသူနှင့်ပြည့်တန်ဆာလုပ်ကိုင်ရန်ရောက်ရှိနေသော
မဌေးဌေး (၃၂)နှစ် ကျောက်တန်းမြို့ ရန်ကုန်တိုင်းဒေသကြီး၊ မကေသွယ် (၂၂)နှစ်
အမှတ် (၂၃)ရွှေညောင်ပင်ရပ် လှိုင်သာယာ၊ ရန်ကုန်မြို့နေသူနှင့် ပြည့်တန်ဆာ
ပျော်ပါးရန် အသွင်ယူရောက်ရှိနေသူ ကိုထွန်းထွန်းဆိုသူတို့ အားကြိုတင်မှတ်သား
ထားသော ငါးထောင်ကျပ်တန် ငွေစက္ကူလေးရွက်နှင့် ပြည့်တန်ဆာလုပ်ငန်းလုပ်ကိုင်ရာတွင်
အသုံးပြုသောသက်သေခံဆက်စပ်ပစ္စည်းများနှင့်အတူ ဖမ်းမိသိမ်းဆည်းရမိ
ခဲ့သည်။

ပြည့်တန်ဆာလုပ်ငန်းလုပ်ကိုင်သူ မဌေးဌေးပါ လေးဦးတို့အားပတ္တာနယ်မြေရဲစခန်းမှ
(ပ)၆၄/၂၀၁၄၊ပြည့်တန်ဆာအက် ၃(က)ဖြင့် အရေးယူထားပြီး ပြည့်တန်ဆာလုပ်ငန်း
ကြီးကြပ်သူဦးစိန်မောင်နှင့်မန်နေဂျာလုပ်ကိုင်သူဇော်နိုင်တို့အား(ပ)၆၃/၂၀၁၄၊
ပြည့်တန်ဆာအက် ၅(၁)/၈ဖြင့် အရေးယူထားသည်။

From: စံတော်ချိန်

www.mmdailystar.com

ကမ္ဘာလုံးဆိုင်ရာ ဂျီဟတ်ဝါဒကို စစ်ပွဲဆင်နွဲခြင်း

နောက်ထပ် စစ်ပွဲတစ်ခု ဆင်နွဲရန်များစွာ စိတ်ဝင်မစားတော့သည့် အမေရိကန်သည် အရှေ့ အလယ်ပိုင်းတွင် နောက်ထပ် စစ်ပွဲတစ်ခုကို ဦးဆောင် ဆင်နွှဲရန် ပြင်ဆင်နေပြီ ဖြစ်သည်။ ၁၉၉၁ ခုနှစ်တွင် စီနီယာဘုရ်ှသည် အီရတ် ခေါင်းဆောင် ဆက်ဒမ် ဟူစိန်၏ ကူဝိတ်ကို ကျူးကျော်သော တပ်များကို မောင်းထုတ်နိုင်ရန် ညွန့်ပေါင်း အဖွဲ့တစ်ခုကို ဖွဲ့စည်းခဲ့သည်။ ၂၀၀၃ ခုနှစ် တွင်လည်း ဂျူနီယာဘုရ်ှသည် ဆက်ဒမ် ဟူစိန်အား အီရတ်ခေါင်းဆောင် အဖြစ်မှ ဖြုတ်ချပြီး အီရတ်တွင် ဒီမိုကရေစီစနစ် ပေါ်ထွန်လာရေး ကြိုးပမ်းခဲ့သည်။ ဂျူနီယာဘုရှ်၏ စွမ်းဆောင်မှု များ အောင်မြင်သည် မမြင်သည်ကို ယနေ့ အီရတ်နိုင်ငံ အနေအထားကို ကြည့်လျင် သိနိုင်ပါသည်။ ယခုအချိန် တွင်လည်း ၂၀၁၁ ခုနှစ်တွင် အီရတ်မှ အမေရိကန် တပ်သားအားလုံးကို ပြန်လည် ခေါ်ယူခဲ့သည့် ဘားရက် အိုဘားမားသည် ဆီးရီးယား ပြည်တွင်းစစ်မှ မွေးဖွားလာပြီး ဘဂ္ဂဒတ်မြို့ တံခါးကို ခေါက်နေပြီ ဖြစ်သည့် ဂျီဟတ်ဝါဒီ အကြမ်းဖက်သမားများကို အမြစ်ပြတ် နှိမ်နင်းမည် ဖြစ်ကြောင်း ကြွေးကြော်နေပြီ ဖြစ်သည်။

ဆီးရီးယားနှင့် အီရတ်တို့တွင် ကြီးစိုးနေသည့် အစ္စလာမ် နိုင်ငံတော် (IS) အဖွဲ့မှာ အယ်လ်ခိုင်ဒါ ၏ အဖွဲ့ခွဲတစ်ခု ဖြစ်ခဲ့သည်။ သို့သော် IS မှာ အယ်လ်ခိုင်ဒါထက် အကြမ်းဖက်မှုတွင် သာမက နိုင်ငံရေး ရည်ရွယ်ချက်ပါ သာလွန်သော အဖွဲ့တစ်ခု ဖြစ်သည်။ ဆီးရီးယားနှင့် အီရတ်တို့ရှိ ၎င်းတို့ သိမ်းပိုက်ထားသော နယ်မြေတစ်နံ တစ်လျားတွင် IS အဖွဲ့သည် အစ္စလာမ်နိုင်ငံတော် တည်ထောင်ကြောင်း ကြေညာခဲ့သည်။ ယင်းမှာ ကွယ်လွန်သူ အိုစမာ ဘင်လာဒင် အိပ်မက်ပင် ရဲရဲမမက်ခဲ့ ရသော ရည်မှန်းချက် တစ်ခုသာ ဖြစ်သည်။

ရက်စက် ကြမ်းကြုတ်ရာတွင် ပြိုင်ဘက် ကင်းခြင်းနှင့် မွတ်ဆလင်များ ကိုပင် ချမ်းသာမပေးခြင်း အစရှိသည့် လုပ်ဆောင်မှုများကြောင့် IS အား အယ်လ်ခိုင်ဒါ ပင်လျင် စက်ဆုတ် ရွှံရှာခဲ့သည်။ အမေရိကန် ဂျာနယ်လစ် နှစ်ဦးနှင့် ဗြိတိန် နိုင်ငံသား ပရဟိတ ၀န်ထမ်းတစ်ဦး တို့ကို ခေါင်းဖြတ် သတ်ခဲ့ ခြင်းကြောင့် IS အဖွဲ့ မည်မျှ ရက်စက်သည်ကို အနောက်နိုင်ငံများ တစ်စွန်းတစ်စ သိရှိခွင့် ရရှိခဲ့သည်။

အရှေ့ အလယ်ပိုင်းတွင် IS အဖွဲ့၏ ရက်စက် ကြမ်းကြုတ်မှု များကြောင့် မတည့်သော ရန်သူများ ကိုပင် ပေါင်းစည်းသွား စေခဲ့သည်။ ဥရောပသား များ၊ ကာ့ဒ် မျိုးနွယ်စုများ၊ ဆီးရီးယား အစိုးရနှင့် သူပုန်များ၊ တူရကီ၊ အာရပ် နိုင်ငံများ၊ အစ္စရေးနှင့် အီရတ် အစိုးရ တို့ပင် အမေရိကန်၏ စစ်ရေးအရ ၀င်ရောက် စွက်ဖက်မှုကို ထောက်ခံခဲ့ ကြသည်။အမေရိကန်၏ ရန်သူတော်ကြီး အီရန်ပင်လျင် IS အဖွဲ့ကို တိုက်ခိုက်ရာတွင် အမေရိကန်နှင့် မဟာဗျူဟာ အားဖြင့် ပူးပေါင်းမည်ဟု ထုတ်ဖော်ခဲ့သည်။

အီရတ်ရှိ IS အဖွဲ့အား နောက်ထပ် တိုးမြှင့် တိုက်ခိုက်မည် ဖြစ်ပြီး ဆီးရီးယားရှိ IS အဖွဲ့အား လေကြောင်းမှ စနစ်တကျ ထိုးစစ်ဆင်မည် ဖြစ်ကြောင်း အိုဘားမားက စက်တင်ဘာလ (၁၀) ရက်နေ့တွင် အမေရိကန် ပြည်သူများကို ရုပ်သံမှ တစ်ဆင့် ထုတ်ဖော် ပြောဆိုခဲ့သည်။ နိုင်ငံရေး အရ ယာယီ ပူးပေါင်း ဆောင်ရွက်မှုကို ရေရှည် တည်မြဲသော လှုပ်ရှားမှုကြီးအဖြစ် ပြောင်းလဲရန်မှာ အတော်ပင် ခက်ခဲသော ကိစ္စ တစ်ရပ် ဖြစ်သည်။ အာဖဂန် နစ္စတန် နှင့် အီရတ်တို့ကို ကျူးကျော်မှု များက အနောက်နိုင်ငံ တပ်ဖွဲ့များသည် စစ်ရေး အောင်မြင်မှုကို မြန်မြန် ရရှိအောင် လုပ်ဆောင်နိုင်စွမ်းရှိ သော်လည်း ရေရှည် တည်မြဲသော တည်ငြိမ်မှုရှိအောင် ကိုတော့ လုပ်ဆောင်နိုင်စွမ်း မရှိကြောင်း ပြသနေခဲ့သည်။ အမေရိကန်သည် ယခု စစ်ပွဲတွင် ကြည်းတပ်များကို အသုံးပြုမည် မဟုတ်ကြောင်း အိုဘားမား၏ ပြောဆိုချက်ကြောင့် စစ်ဆင်ရေး ပြုလုပ်မည့် နယ်မြေများတွင် တည်ငြိမ်မှု ရရှိရေး အခက်အခဲရှိ နေဦးမည် ဖြစ်သည်။

ဆက်ဒမ်ဟူစိန်၏ ဘာ့သ်ပါတီ အာဏာရှင် စနစ် ပြုတ်ကျ သွားခြင်းနှင့် ဆီးရီးယားရှိ ဘာရှား အယ်လ်-အာဆတ် အစိုးရ အဖွဲ့ တိုက်ခိုက်ခံရခြင်း တို့ကြောင့် IS အဖွဲ့ အင်အားကြီးမားလာခဲ့ ရခြင်း ဖြစ်သည်။ ထို့ပြင် IS သည် ဘာရိန်းမှ လက်ဘနွန် အထိ ကြီးစိုးနေသည့် ဆွန်္နီနှင့် ရှီယိုက် မုန်းတီးမှုများ ၏ ရလဒ်တစ်ခုလည်း ဖြစ်သည်။

အုပ်ချုပ်ပုံ မှားယွင်းခြင်းနှင့် အဆိုးမြင်မှုများက ၎င်းအဖွဲ့ အင်အားကြီး လာအောင် အားပေးအားမြှောက်ပြု ခဲ့သည်။ အာဆတ် သာ ဗုံးကြဲ တိုက်ခိုက်ခဲ့ ပါက IS အဖွဲ့သည် ဆီးရီးယား အရှေ့မြောက်ပိုင်းရှိ ရက်ကာမြို့ကို သိမ်းပိုက်နိုင်ခဲ့မည် မဟုတ်ပေ။ အီရတ်ရှိ ရှီယိုက်များ ကြီးစိုးသော အစိုးရ အဖွဲ့သည် ဆွန်္နီများအား ဖယ်ထုတ်ခြင်း မပြုခဲ့ပါက IS အဖွဲ့သည် အီရတ်ရှိ ဒုတိယ အကြီးဆုံးမြို့ မိုဆူလ် အပါအ၀င် နေရာ အတော်များများကို သိမ်းပိုက်ခွင့်ရရှိ မည်မဟုတ်ချေ။

IS အဖွဲ့သည် အခြား အကြမ်းဖက် အဖွဲ့များထက် အင်အားကြီးသည်။ လက်နက် အင်အား ပိုကောင်းသည်။ ငွေကြေးအင်အားပို တောင့်တင်းသည်။ ၎င်းအဖွဲ့သည် ရေနံ ရောင်းချရငွေ နှင့် ပြန်ပေးငွေ တစ်ရက်လျင် ဒေါ်လာ (၁) သန်းခန့်ရရှိ နေကြောင်း ခန့်မှန်းမှုများ ရှိနေသည်။ IS အဖွဲ့တွင် တပ်သား (၃၀၀၀၀) မှ (၄၅၀၀၀) အထိရှိ နေကြောင်း အနောက်နိုင်ငံ ထောက်လှမ်းရေးများက ခန့်မှန်းထားသည်။ ၎င်းတို့ထဲမှ သုံးပုံ တစ်ပုံမှာ စွမ်းရည် ရှိသော တိုက်ခိုက်ရေးသမားများ ဖြစ်ကြသည်။ တူရကီမှ တစ်ဆင့် ဆီးရီးယားနိုင်ငံတွင်းသို့ လွယ်လင့်တကူ ၀င်ရောက်ခွင့်ရရှိနေ သောကြောင့် ၎င်းအဖွဲ့သည် အခြား အကြမ်းဖက် အဖွဲ့များထက် နိုင်ငံခြားသား တပ်ဖွဲ့ဝင် အင်အားကို ပိုမို စုဆောင်းနိုင် ခဲ့သည်။ ဆီးရီးယားတွင် နိုင်ငံခြား ပတ်စပို့စ် ကိုင်ဆောင် ထားသော IS အဖွဲ့ဝင် (၁၂၀၀၀) ခန့်ရှိ နေကြောင်း ခန့်မှန်းမှုများရှိ နေသည်။ အများစုမှာ ဂုဏ်ရှိခြင်း နှင့် ငွေကြေး မြောက်မြောက် များများ ရရှိခြင်း တို့ကြောင့် ဂျီဟတ် အဖွဲ့နှင့် ပူးပေါင်းလာခဲ့ခြင်း ဖြစ်သည်။

အဖွဲ့ခေါင်းဆောင် အဘူဘေကာ အယ်လ်-ဘာဂါဒါဒီ ၏ စွမ်းဆောင်ရည် ပြည့်ဝခြင်းကြောင့် အောင်မြင်မှုများ ရရှိခဲ့ခြင်း ဖြစ်သည်။ ထို့ပြင် ဆက်ဒမ်၏ စစ်တပ်မှ အဆင့်မြင့် အရာရှိများ ပါဝင်လာခြင်းကြောင့်လည်း အဖွဲ့၏ စစ်ရေး မဟာဗျူဟာ အဆင့်မြင့်ခဲ့ခြင်း ဖြစ်သည်။ အယူအဆရေးရာ အရ အစွန်းရောက်ခြင်း၊ ဖွဲ့စည်းပုံစနစ် ကျခြင်း၊ အနောက်နိုင်ငံ ပတ်စ်ပို့ ကိုင်ဆောင်ထား သူများ ရှိနေခြင်း၊ အမေရိကန်ကို မုန်းတီးခြင်းနှင့် ကမ္ဘာလုံး ဆိုင်ရာ ဂျီဟတ် စစ်ပွဲ၏ ခေါင်းဆောင် ဖြစ်လာရန် ဆန္ဒပြင်းပြခြင်း တို့ကြောင့် IS သည် အနှေးနှင့် အမြန်ဆို သလိုပင် အဝေးက ရန်သူကို ပစ်မှတ်ထား တိုက်ခိုက်လာ နိုင်ပါသည်။ IS သည် ဥရောပ တစ်ဝန်းရှိ မွတ်ဆလင် လူငယ်များစွာကို စည်းရုံး နိုင်စွမ်းရှိနေ သောကြောင့် ၎င်းအဖွဲ့ရှိ တိုက်ခိုက်ရေး သမားများ ပြည်တော် ပြန်လာပါက မိခင်နိုင်ငံ များတွင် အကြမ်းဖက်မှုများ လုပ်ဆောင် နိုင်ကြောင်း စိုးရိမ်မှုများလည်း ရှိနေပြီဖြစ်သည်။

လူမှု မီဒီယာ အသုံးပြုသော IS အဖွဲ့ဝင် တချို့ တွင် အမေရိကန် ဦးဆောင်သော စစ်ဆင်ရေး ပြုလုပ်မည့် ကိစ္စကို ၀မ်းမြောက်ဝမ်းသာ ကြိုဆို နေသူများရှိ နေသလို စိုးရိမ်နေ သူများလည်းရှိနေ ပါသည်။ အောင်မြင်မှု များကို ခဏ ဖယ်ထားလျင် IS အဖွဲ့တွင် အားနည်းချက်ကြီးရှိ နေပါသည်။ ယင်း မှာ အယူအစွဲ ပြင်းထန်သော ဂျီဟတ်ဝါဒီ များနှင့် ဆက်ဒမ်၏ ဘာ့သ် ပါတီဝင်ဟောင်းများ ဖြင့် ဖွဲ့စည်းထားသော အဖွဲ့မှာ ဖိအားနှင့် ရင်ဆိုင်ရပါက ပြိုကွဲ သွားနိုင်ခြင်း ဖြစ်သည်။ ထို့ပြင် IS အဖွဲ့သည် ၎င်းတို့ကို မလိုလားသော ဒေသခံများနှင့်ပတ်သက်၍လည်း အစိုးရိမ်ကြီး နေခဲ့သည်။ ယင်းကြောင့်သာ ၎င်းတို့ သိမ်းပိုက်ထားသည့် နယ်မြေများမှ လူနည်းစုဝင်များနှင့် အယူအစွဲ သင့်တင့်မျှတသော ဆွန်္နီများကို နှင်ထုတ်နေခြင်း ဖြစ်သည်။ နိုင်ငံတစ်ခု တည်ထောင်လိုက်ပြီ ဖြစ်သောကြောင့် IS အဖွဲ့သည် ဘဂ္ဂဒတ်မှ အလက်ပို အထိ မိုင် (၄၆၀) အရှည်ရှိသော နယ်မြေတစ်ခုကို ကာကွယ်နိုင်ရေး ကြိုးပမ်း ရတော့မည် ဖြစ်သည်။ ထိုးစစ်ဆင်မှု ပြုလုပ်လာသည်နှင့် အမျှ လမ်းမကြီး ထက်တွင် ကားများနှင့် မောင်းနှင် သွားရောက်ရမည်ဖြစ် သောကြောင့် လေကြောင်းမှ တိုက်စစ်ကို ရှောင်ရှားရန် ခက်ခဲလာပြီ ဖြစ်သည်။

အာရပ်နိုင်ငံများနှင့် ဆွန်္နီများ၏ အားပေးမှုကို ရရှိခဲ့ပါက အမေရိကန်က IS အဖွဲ့အား ဆင်နွှဲသည့် စစ်ပွဲကို တရားသော စစ်ပွဲ အဖြစ် ထင်မြင် လာကြမည် ဖြစ်သည်။ စစ်ရေးနှင့် နိုင်ငံရေး ဆိုင်ရာ အရှုပ်အထွေးများရှိနေ သောကြောင့် အိုဘားမားသည် ယခု စစ်ဆင်ရေးနှင့်ပတ်သက်ပြီး အချိန် ကာလ မသတ်မှတ်ထားခြင်း ဖြစ်သည်။ အီရတ်တွင် IS အဖွဲ့၏ စွမ်းရည်နှင့် အင်အား ကျဆင်းနေပြီ ဖြစ်သည်။နောက်ထပ် ထိုးစစ်များကိုသာ အမေရိကန် နှင့် မဟာမိတ်များက အရှိန်အဟုန်မြှင့် ပြုလုပ်နိုင်ခဲ့ပါက IS သည် ခပ်မြန်မြန်အင်အား ကြီးမားခဲ့ သလို ခပ်မြန်မြန် အင်အားကျဆင်း သွားမည် ဖြစ်သည်။

သို့သော် ဂျီဟတ်ဝါဒီများမှာ အိုဘားမား ဖြေရှင်းပေးရန် လက်တွန့်နေခဲ့သည့် ပြဿနာကြီး တစ်ခု၏ တစ်စိတ်တစ်ပိုင်းသာ ဖြစ်ပါသည်။ ယင်း မှာ ဆီးရီးယားနှင့် အီရတ်ရှိ ဆွန်္နီ၊ ရှီယိုက်၊ ကာ့ဒ်နှင့် လူတိုင်း လက်ခံနိုင်သော အနာဂတ် တစ်ခုကို မည်ကဲ့သို့ ဖော်ဆောင်ပေးမည် ဆိုသည့် ပြဿနာသာ ဖြစ်သည်။

Ref: Confronting Islamic State:The Economist

From: Messenger

www.mmdailystar.com

သတိ...ညသိပ်ရေနွေး အဆိပ်ထက်ပြင်းတယ် အသည်းကို စကာပေါက်ဖြစ်စေတယ်





ညသိပ်ရေနွေးဆိုလို့ အနော် ကြုံဖူးတဲ့ ဘ၀ပေး သင်ခန်းစာလေးတခုကို အမှတ်၇လိုက်လို့ပါ

အနော် တောင်ကြီးမှာ နေတုန်းက အနော်တို့လူမျိုးတွေက ရေနွေး သပ်သောက်ကြတယ်
ရေနွေးကို အခါးရည်လို့လည်းခေါ်ကြတယ်
ဒီမှာတော့ အဖန်ရေလို့ခေါ်တာပေါ့
အခါးရည်ဆိုတာ ဒီမှာတော့ အရက်လို့ပြောတာပဲ
အဲ အခါးရည်ကို အိမ်လာတဲ့ လူတိုင်းကိုတိုက်တယ်
အိမ်မှာနေရင်းလည်းသောက်ကြတယ်…
မပါမဖြစ်… အိမတအိမ်တက်ရင် အနည်းဆုံးတော အခါးရည်လေးတော့ တိုက်ကြတာကြီးပဲ

အဲမှာ အနော့် အဒေါ်ကတော့ အသောက်နိုင်ဆုံးလူ အဖြစ်သတ်မှတ်ရမယ်
ဘာလို့လဲဆို အဒေါ်က မိုးလင်းမိုးချုပ်ထိသောက်တယ် …ရေဆာလဲသောက်တယ်… ထမင်းစားလဲသောက်တယ် … အားနေရင်းကို သောက်နေတော့တာပဲ
ရေနွေးတအိုးကို ဘယ်လောက်မှ မရှိသေးဘူး ကုန်ပြီ တနေကုန်လဲ ရေနွေးတည်နေတယ်
အဲမှာစတာပဲ အဒေါ်ေ၇နွေးစွဲတော့ မနက် မျက်စိနှစ်လုံးဖွင့်တာနဲ့ သောက်တော့တာပဲ
အဲမှာ ညသိပ်ရေနွေးတွေကို သူက တ၀ကြီးထိုင်သောက်ပြီးမှ လုပ်စရာချိတာလုပ်တယ်

တနေ့မှာတော့ အနော့် အဒေါ်က ဗိုက်အောင့်အောင့်လာတယ်
ဒါနဲ့ပဲ တောင်ကြီးက စိန် အထူးကု ဆေးခန်းမှာပြပါလေရော
ဆရာဝန်က သိပ်များများပြားပြားမစစ်ဘူး
ဗိုက်အောင့်တာနဲ့ပဲ အစာအိမ်လို့ပြောပြီး ခွဲဖို့ပြင်တော့တယ်

ကံကောင်းချင်တော့ တောင်ကြီးမှာ ပစ္စည်းမစုံတာကြောင့် မန္တလေးကို ပြောင်းရပါလေရော
မန္တလေးကလည်း မစစ်ဘူး တောင်ကြီးက ရမ်းတုတ်ထားတဲ့အစာအိမ်ဆိုတာနဲ့ပဲ အစာအိမ်ခွဲဖို့ပြင်ရော
အဲမှာ အဒေါ်က ကံကောင်းသွားတာက မန္တလေးရောက်နေတဲ့ အသည်းဆရာဝန်ကြီးတယောက်နဲ့ ခင်လိုက်တယ် ( နာမည်ကို အနော်မသိ)
အနော့ အဒေါ်က ကျောင်းအုပ်ဆိုတော့ ဖောင်ကြီး သင်တန်းလို ၀န်ထမ်းရေးရာ တတ်တုန်းက ခင်ခဲ့လို့ပြောပြတယ်
ဆရာဝန်ကြီးက အစောရေ ဘာဖြစ်တာလဲ မေးတော့ အဒေါ်က ဗိုက်အောင့်နေကြောင်းပြောပြတယ်
ဆရာဝန်ကြီးက အောင့်တဲ့နေရာ သေသေချာချာပြ ဆိုပြီး ဓါတ်မှန်တွေရိုက်ခိုင်း အာထှာဆောင်းတွေရိုက်ခိုင်းပြီး
မခွဲဖို့ ဆရာဝန်နဲ့ တိုင်ပင်တယ် ….
အဖြေ သိရတာကတော့ အဒေါ်က အသည်းမှာ စကာပေါက်ဖြစ်နေတယ်တဲ့
မပေါက်တဲ့အပိုင်းက ခြောက်နေတယ်ဆိုပဲ

အဲမှာ ဆရာဝန်ကြိးက အဒေါ်ရဲ့ တနေ့တာ စားသောက်မှုကိုစစ်တော့ အဒေါ်က ညသိပ်နေနွေးကို နှစ်နဲ့ချီအောင် သောက်ခဲ့လို့ဖြစ်တာလို့ရှင်းပြတယ်
လက်ဖက်ခြောက်ကို 6နာရီကျော်ကြာအောင် စိမ်ထားတာဟာ အဆိပ်ထက်တောင် ပြင်းတယ်လို့ဆိုပါတယ်
လက်ဘက်ကို စတင်သောက်သုံးကြတဲ့ ကိုကိုတရုတ်တွေကတော့ တခါသောက်လေးသာ ခတ်သောက်တာပါတဲ့
ဒီမှာလို ရေနွေးအိုးထဲ ထည့်ပြီး မစိမ်ပါဘူးတဲ ဂျာ
ရေနွေးဖြူကိုသာ ထည့်ထားပြီး ဧည့်သည် ဖြစ်ဖြစ် သူတို့သောက်မှသာ ခွက်ထဲကို လက်ဖက်ခြောက်ထည့်ုပြီး ရေနွေးအဖြူကိုရောတာပါတဲ့
ဒိကလူတွေကတော့ ရေနွေးကို ဓါတ်ဗူးနဲ့ ထည့်တည်ပြီးသောက်ကြပါတယ်
အဲမှာ လက်ဖက်ခြောက်ရယ်
ဓါတ်ဗူးက ဓါတ်သားမှာပါတဲ့ ပြသားတွေရယ်ကြောင့် အသဲကို ပျက်စီးစေတာပါတဲ့…..

နောက်တခုကတော့ ပက်စီလို့ခေါ်တဲ့ ဖျော်ရည်တွေမှာပါတဲ့ Gas တွေပါ
အနော် Duty Free ဆိုင်မှာလုပ်တုန်းက သင်ခဲ့ရပါတယ်
ရိုးရိုးလိမ္မော်ရည်ထဲကို Gas တမျိုးထည့်လိုက်တာနဲ့ လိမ္မော်ရည်တွေဟာ အေးမြနေတော့တာပါပဲ
လိမ္မော်ရည် 1ပုံမှာ Gas က 9ပုံပါပါတယ်
အဲဒီ Gas က အသည်းနဲ့ အဆုတ်ကို ပျက်စီးစေတယ်လို့ဆိုပါတယ်
ဒါကြောင့် Gas မပါတဲ့ သဘာဝဖျော်ရည်လေးတွေကိုသာ သောက်သုံးသင့်ပါတယ်

အနော်နဲ့ခင်တဲ့ စာရေးဆရာ တယောက်ချိပါတယ်
သူကတော့ ညနေတိုင်း အရက်သောက်လေ့ချိပြီး သူ့တပည့်ကတော့ အဖော်အဖြစ် နေ့တိုင်းလိုက်ထိုင်ပေးပါတယ်
ဆရာကြီးသောက်သလို တပည့်က မသောက်တတ်ပေမဲ့ ဆရာနဲ့အတူတူနေ့တိုင်း လိမ္မော်၊ ကိုလာ စတာတွေကို တခုမဟုတ် တခုသောက်ပါတယ်
6လလောက်ကြာတော့ တပည့်ကြီးဆေး၇ူံတက်ရရော
အသည်းက စကာပေါက်ဖြစ်နေပြီတဲ့
နေ့တိုင်း အရက်သောက်တဲ့ ဆရာတောင် ဘာမှမဖြစ်သေးဘူး
Gas ပါတဲ့ဖျော်ရည်တွေ နေ့တိုင်းသောက်တဲ့ တပည့်လေးကတော့
နောက် 1လ အကြာမှာပဲ သေဆုံးခဲ့ပါတယ်
ဒါ့ကြောင့် ပူုပြင်းလှတဲ့ နွေရာသီမှာ အအေးသောက်ရင်
သဘ၀ Gas မပါတဲ့ဖျော်ရည်တွေကိုသာ သောက်သုံးသင့်ပါကြောင်းနဲ့
ညသိပ်ရေနွေးတွေကိုလည်း မသောက်မိစေဖို့ သတိပေး ဆန္ဒုပြုလိုက်ပါတယ်

နွေးသီး

OR

ယောမြို့စားအတွင်းဝန် ဦးဘိုးလှိုင်ရဲ့ နာမည်ကျော်ဥတုဘောဇန သင်္ဂဟကျမ်းမှာ ဖော်ပြထားတဲံ့
ရေနွေး။ရေကျက်အေး ရေအေးတို့နဲံပတ်သက်တဲ့ သိမှတ်ဖွယ်ရာဗဟုသုတတွေဒီစာအုပ်မှာပါဝင်တယ်.

နောက်ဆုံးတင်ပြလိုတာကတော့…..

(၁) ရေနွေး ကျိုချက်တဲ့အခါမှာ ဆူပွက်ပြီးကျက်အောင်ကျိုပါ။

(၂) ကော်ဖီဖျော်ရင် ခြောက်နာရီအတွင်း ကျိုချက်ထားတဲံ ရေနွေးနဲ့ဖျော်ပါ။

(၃) ဓာတ်ဗူးထဲက ရေနွေးနဲံဖျော်ရင် ခြောက်နာရီထက်ကျော်ပြီး ဓာတ်ဗူးထဲမှာ
လှောင်ထားသော ရေနွေးကိုမသုံးသင့်ပါ။

(၄)ဓာတ်ဗူးထဲမှာ အေးပြီးသားရေနွေးကို ဓာတ်ပျက်ရေနွေးဖြစ်လို့ ပြန်နွေးပြီး
မသုံးပါနဲံ။ပြန်ကျိုချက်ပြီး မသုံးပါနဲ့။

(၅)ညသိပ်ရေနွေး ။ရေနွေးကြမ်းဟာ အဆိပ်ဖြစ်လို့ အစာအိမ်ကို
ကမောက်ကမ ဖြစ်စေနိုင်ပါတယ်။

(၆)ရေနွေးသောက်ပြီး တစ်နာရီအတွင်းမှာ ရေအေးမသောက်ပါနဲ့။
ရေအေးသောက်ပြီး တစ်နာရီအတွင်းမှာ ရေနွေးမသောက်ပါနဲ့။

အထက်ပါအယူအဆတွေဟာ မလွဲနိုင်တဲံ့ တိုင်းရင်းဆေးပညာ
ဥပဒေသ အယူအဆတွေဖြစ်ကြောင်း တင်ပြအပ်ပါသည်။.

{ ဒီစာအုပ်လေးကိုကျမဖတ်နေရင်းကနေ အင်တာနက်ကကျမမိတ်ဆွေတွေသိသင့်တယ်
ယူဆမိလို့ရေးသားတင်ပြခြင်းဖြစ်ပါတယ်ရှင်..အနှောက်ယှက်ဖြစ်ခဲံ့တယ်ဆိုလည်း
ခွင့်လွတ်ပေးပါလို့မေတ္တာရပ်ခံအပ်ပါသည်ရှင့် ….

by မမာလာ
lyhealthcare.com

From: သင့်အတွက်ကျန်းမာရေး

www.mmdailystar.com

ပြည့်ဖြိုး တင်းရင်းတဲ့ ရင်သားအလှကို ပိုင်ဆိုင်လိုသော မိန်းကလေးတိုင်းရဲ့ ဆန္ဒများ ပြည့်ဝစေဖို့ နည်းလမ်း

ပြည့်ဖြိုး တင်းရင်းတဲ့ ရင်သားအလှကို ပိုင်ဆိုင်လိုတာ မိန်းကလေးတိုင်းရဲ့ ဆန္ဒဖြစ်ပါ လိမ့်မယ်။ မိန်းကလေး တစ်ယောက်ရဲ့ အလှတရားကို ထင်ရှား ပေါ်လွင်စေပြီး ဆွဲဆောင်မှု ရှိစေတဲ့ အရာတွေထဲမှာ ရင်သားက မရှိမဖြစ်ပါ။

သင့်ကောက်ကြောင်းလေး အထင်သား ပေါ်လွင်စေဖို့ ရင်သားကလည်း ပံ့ပိုးပေးပါတယ်။ ဒါပေမဲ့ တစ်ချိန်မှာ ဒီအလှတရား ဆုံးရှုံးသွားမှာကို သင်စိုးရိမ် နေပါသလား။ အဆီတွေ၊ ဂလင်းတွေ၊ တွယ်ဆက် တစ်သျှူးတွေနဲ့ ဖွဲ့စည်းထားတဲ့ သင့်ရင်သားဟာ တစ်သျှူးတွေ လျော့ရဲ လာတဲ့အခါ၊ တစ်သျှူးရဲ့ ကျုံ့နိုင်ဆန့်နိုင်တဲ့ စွမ်းအား လျော့နည်း လာတဲ့အခါ မျိုးတွေမှာ တွဲကျလာ တတ်ပါတယ်။

မိန်းကလေး အများစုက ရင်သား တွဲကျလာတာကို မလိုလား ကြသလို သင်တို့ရဲ့ အမျိုးသား အဖော်ကလည်း နှစ်သက်မှာ မဟုတ်ပါဘူး။ ရင်သား တွဲကျတာကို နို့သီးခေါင်းရဲ့ အနေအထားပေါ် မူတည်ပြီး ခွဲခြား နိုင်ပါတယ်။ နို့သီးခေါင်းက ပုံမှန် အနေအထားထက် အနည်းငယ် နိမ့်ကျနေပါက ရင်သား တွဲကျတာ သိပ်မဆိုးပါဘူး။ တကယ်လို့ နို့သီးခေါင်းတွေက ပုံမှန် အနေ အထားထက် အလွန်အမင်း နိမ့်ကျပြီး အောက်ဘက်ကို စိုက်နေရင်တော့ ရင်သား တွဲကျတာ ဆိုးနေပါပြီ။

ရင်သား တွဲကျစေသော အကြောင်းအရာများ

၁။ ကိုယ်အလေးချိန် ကျဆင်းခြင်း
ကိုယ်အလေးချိန် ကျဆင်းတာက ရင်သား တွဲကျတာကို ဖြစ်စေတဲ့ အဓိက အကြောင်းရင်းပါ။ ခန္ဓာကိုယ် အလေးချိန် တိုးလာတဲ့အခါ အရေပြားကို ကျယ်ပြန့်အောင် ဆန့်ထားတာကြောင့် တင်းတင်းရင်းရင်း ဖြစ်စေပါတယ်။ ရုတ်တရက် ကိုယ်အလေးချိန် လျော့သွားတဲ့အခါ ခန္ဓာကိုယ် တစ်ခုလုံးက အရေပြားတွေ လျော့တွဲလာသလို သင့်ရင်သားတွေလည်း လျော့တွဲလာ စေပါတယ်။


၂။ ကမ္ဘာမြေကြီး ဆွဲငင်အား
ကမ္ဘာမြေကြီး ဆွဲငင်အားက သင့်ရင်သားကို တွဲကျစေတယ်ဆိုလို့ မအံ့သြ လိုက်ပါနဲ့။ ဒါက အမှန်တကယ်ပါပဲ။ ကမ္ဘာမြေကြီး ဆွဲငင်အားက အရာ အားလုံးကို ဆွဲထားသလို သင့်ရင်သား ကိုလည်း ဆွဲတာကြောင့် တွဲကျ စေတာပါ။ ရင်သား တစ်သျှူးတွေကို လျော့ရဲစေသလို ရင်သားမှာ အရေး ကြောင်းတွေကိုပါ ဖြစ်ပေါ်စေပါတယ်။


၃။ မီးယပ်သွေးဆုံးခြင်း
အမျိုးသမီးတွေ သွေးဆုံးချိန်မှာ အီစထရိုဂျင် လို့ခေါ်တဲ့ မဟော်မုန်းဓာတ် လျော့နည်း သွားပါတယ်။ အဲဒီအချိန်မှာ ရင်သားကို တင်းရင်း ပြည့်ဖြိုးစေတဲ့ ကော်လာဂျင်တွေ လျော့နည်း သွားပြီး သင့်ရင်သားကို လျော့တွဲလာ စေပါ တယ်။

၎။ လျော့ရဲသော ဘရာစီယာ ဝတ်ဆင်ခြင်း
အမျိုးသမီးတွေ အတွက် အရေးကြီးဆုံးက ဘရာစီယာကို ရင်သား အရွယ် အစား အလိုက် သင့်တော်တဲ့ ပုံစံအနေအထား ဝတ်ဆင်ဖို့ပါ။ ဘာကြောင့်လဲ ဆိုတော့ ဘရာစီယာ ပုံစံမှန်မှန် မဝတ်ဆင်တာက သင့်ရင်သားကို တွဲကျ စေတာကြောင့်ပါ။

ဘယ်လို ကာကွယ်ရမလဲ -

၁။ အစားထိုးခြင်း၊ ခွဲစိတ်ခြင်း
ရင်သားပိုမို ပြည့်ဖြိုးစေဖို့နဲ့ တင်းတင်းရင်းရင်း ရှိစေဖို့ ရင်သား အစားထိုး ခြင်းနဲ့ ရင်သား ခွဲစိတ်ပြုပြင်ခြင်းတွေ ပြုလုပ်လို့ ရပါတယ်။ ရင်သား တွဲကျ နေသူ တစ်ယောက်အနေနဲ့ ရင်သား အစားထိုးခြင်းနဲ့ ရင်သား ခွဲစိတ်ပြုပြင် ခြင်းတွေ လုပ်တာက တွဲကျနေတဲ့ ရင်သားကို အပြည့်အဝ မပြုပြင်နိုင်ပါဘူး။ဘာကြောင့်လဲဆိုတော့ ပြုပြင်တာဟာရင်သား ပြည့်တင်းလာပေမယ့် နို့သီး
 ခေါင်းကတော့အောက်ဆိုက်နေ နိုင်ပါတယ်။

၂။ အရွယ်အစားနဲ့ ကိုက်ညီသော ဘရာစီယာ ဝတ်ဆင်ပါ
ရင်သား အရွယ်အစားနဲ့ ကိုက်ညီပြီး သင့်တော်တဲ့ ဘရာစီယာအရွယ်အစားကို ရွေးချယ် ဝယ်ယူကာ ၀တ်ဆင်ပါ။ ကိုယ်ဝန်ဆောင်ချိန်နဲ့ နို့တိုက်ကျွေးချိန် တွေက ရင်သား တွဲကျနိုင်တာ ကြောင့် သင့်တော်တဲ့ ဘရာစီယာ ဝတ်ဆင် ပေးဖို့ ပိုမို အရေးကြီးပါတယ်။

၃။ သဘာဝကရတဲ့ ဆေး
ဒါတွေကို အသုံးပြုတာဟာ အန္တရာယ် အကင်းဆုံး၊ ငွေကုန်ကြေးကျ အသက် သာဆုံးနဲ့ ခွဲစိတ်စရာ မလိုတဲ့ နည်းလမ်း တစ်ခုပါ။ သဘာဝကရတဲ့ အရာ တွေနဲ့ ဖော်စပ် ထုတ်လုပ်ထားတဲ့ လိမ်းဆေး၊ ဖျန်းဆေးတွေ အသုံးပြုပြီး သင့်ရင်သား အလှကို ပြုပြင်နိုင်ပါတယ်။ အသင့်တော်ဆုံး နည်းလမ်းဖြစ် ပါတယ်။

၎။ နှိပ်နှယ်ပေးခြင်း
သင့်ရင်သားကို နှိပ်နယ်ပေးတာက ဆိုးကျိုး အန္တရာယ် တစ်စုံတစ်ရာ မပေးဘဲ သင့်ရင်သား တွဲကျတာကို ကာကွယ်ပေး နိုင်ပါတယ်။ နှိပ်နယ် ပေးတဲ့ အခါ ရင်သားအတွက် သီးသန့် ထုတ်လုပ်ထားတဲ့ အဆီနဲ့ လိမ်းဆေး တွေကို အသုံးပြုပြီး နှိပ်နယ်ပေးပါ။

From:OE

www.mmdailystar.com

လိင်ပိုင်းဆိုင်ရာ နှိုးဆွပေးနိုင်တဲ့ အရုပ်တွေကို သဘောကျလွန်းလို့ အဲ့ဒီလိုဖြစ်အောင် ပလတ်စတစ်ဆာဂျရီလုပ်လိုက်တဲ့ မော်လ်ဒယ်





ပြင်သစ်မော်ဒယ် Victoria Wild ဟာ လိင်ပိုင်းဆိုင်ရာနှိုးဆွပေးတဲ့ အရုပ်မတွေရဲ့ ပုံသဏ္ဍာန်အတိုင်း လိုချင်တဲ့အတွက် သူမရဲ့ဆန္ဒပြည့်ဝစေဖို့ ဒေါ်လာ 38823 အကုန်ခံပြီး ပလတ်စတစ်ဆာဂျရီ လုပ်ခဲ့ပါတယ်။ အသက် ၃၀ရှိပြီဖြစ်တဲ့ Victoria Wild ဟာ မော်ဒယ်အလုပ်က ရရှိထားတဲ့ ပိုက်ဆံရယ် သူရည်းစားက ထောက်ပံ့ပေးတဲ့ ပိုက်ဆံနှစ်ခုပေါင်းပြီး ခုလို ခွဲစိတ်ပြုပြင်ခဲ့တာပါ။

"ဘယ်သူကများ အရုပ်မတစ်ယောက်နဲ့ မခင်မင်ချင်ရှိလိမ့်မလဲ။ ကြည့်လိုက်တာနဲ့ ဆက်စီကလည်း ကျတယ်။ လမ်းမဆိုကျွန်မကို လူတွေက ငေးငေးကြည့်သွားကြတာ။ သူတို့အဲ့ဒီလို မတ်တပ်ရပ်ပြီး လည်ပြန်ငေးခံရတာကို ကျွန်မသဘောကျတယ်။"လို့ တင်ပါးရော၊ ရင်သားပါ ခွဲစိတ်ပြုပြင်ထားတဲ့ Wild က ဖွင့်ဟလိုက်ပါတယ်။

ဒါ့အပြင် သူမက "ကျွန်မငယ်ငယ်တုန်းက တောရွာလေးတစ်ရွာမှာ နေထိုင်ရတဲ့ သာမာန်ကလေးတစ်ယောက်ပါပဲ။ ဒီလို ခွဲစိတ်ပြုပြင်တာတွေဘာတွေ မသိခင်ကတည်းက အရုပ်မတွေအတိုင်း တင်တွေ၊ ရင်တွေ၊ ပြီးတော့ နှုတ်ခမ်းထူထူတွေကို အရမ်းသဘောကျခဲ့တာ။ သူတို့က ဆက်စီကျရုံတင်မကဘူး။ ထက်မြက်တဲ့ပုံ၊ ရဲရင့်တဲ့ပုံမျိုးလည်း ဖြစ်တယ်။ ကျွန်မခေါင်းထဲမှာတော့ ဒါဟာ သိပ်မိုက်တယ်လို့ ထင်မိခဲ့တယ်"တဲ့။

သူမ အသက် ၂၅နှစ်လောက်မှာ သူမရဲ့ချစ်သူ အီတလီစီးပွားရေးလုပ်ငန်းရှင် Simon နဲ့ တွေ့ဆုံခဲ့ကြပြီး သူမရဲ့အိပ်မက်တွေကို လက်လွတ်ဆုံးရှုံးမခံဖို့နဲ့ သူ့ချစ်သူက တိုက်တွန်းခဲ့သလို ငွကြေးအထောက်အပံ့တွေကို သူတတ်နိုင်သလောက် ထောက်ပံ့ပေးသွားမယ်လို့လည်း ဆိုခဲ့တာပါ။

"Simon ဟာ စီးပွားရေးလောကမှာ အောင်မြင်နေတဲ့ လုပ်ငန်းရှင်တစ်ဦးပါ။ သူကိုယ်တိုင်ကလည်း ကျွန်မကြိုက်တဲ့ပုံစံမျိုးကို နှစ်သက်တယ်လို့ ကျွန်မကို ပြောတယ်။ အဲ့ဒါကြောင့်လည်း သူငွေကြေးအကုန်အကျခံပြီး ကျွန်မအိပ်မက်တွေကို အကောင်အထည်ဖော်ပေးခဲ့တာ။ ကျွန်မဖြစ်ချင်တာတွေကို ပုံဖော်ခွင့်ရအောင်လည်း သူက စိတ်ဓာတ်ခွန်အားတွေ ပေးခဲ့တာပေါ့။ ခုဆိုရင် မော်ဒယ်နဲ့ပတ်သက်တဲ့ အလုပ်တွေလည်း ပိုလက်ခံလာရတယ်။ ဒါဘာလို့လဲဆိုတော့ ကျွန်မရဲ့ထူးခြားတဲ့အသွင်သဏ္ဍာန်ကြောင့်ပါပဲ။"လို့ Wild က ထပ်မံပြောကြားသွားပါတယ်။


From: Ref:cosmopolitan.com
Trend Myanmar

www.mmdailystar.com

ပေါက်တောရှိ ဘင်္ဂါလီများကို သတ်မှတ်နယ်မြေမှအပ မကျူးကျော်ကြရန် ပြည်နယ်လုံခြုံရေး ဝန်ကြီးတားမြစ်


ရခိုင် ပြည်နယ် ပေါက်တောမြို့နယ်ရှိ ဘင်္ဂါလီများကို သတ်မှတ်နယ်မြေမှ အပ ကျူးကျော်မှုမလုပ်ကြရန် ရခိုင် ပြည်နယ် လုံခြုံရေးနှင့်နယ်စပ်ရေး ရာဝန်ကြီး ဗိုလ်မှူးကြီးထိန်လင်းက တားမြစ်ပိတ်ပင်လိုက်ကြောင်း သိရသည်။

ရခိုင်ပြည်နယ်၊ ပေါက်တောမြို့ နယ်ရှိ ဘင်္ဂါလီဒုက္ခသည်စခန်းတစ် ခုဖြစ်သော ငှက်ချောင်းဒုက္ခသည် စခန်းရှိ ဘင်္ဂါလီများအနေဖြင့်ယခု နောက်ပိုင်း ယင်းမြို့နယ် အတွင်းရှိ သပြာကျွန်းသို့ကျူးကျော်ဝင်ရောက် ကာ သားငါးများကျူးကျော်ရှာဖွေမှု များရှိလာသည့်အပြင် ယင်းကျွန်း ပေါ်တွင် သားငါးများရှာဖွေစား သောက်နေကြရသည့် ဒေသခံရခိုင် တိုင်းရင်းသားများကိုလည်း ရန်ပြုမှု များရှိလာကြောင်း ပေါက်တောဒေသ ခံများ၏ တိုင်တန်းချက်နှင့်ပတ်သက် ပြီး ဝန်ကြီးက အထက်ပါအတိုင်း တားမြစ်လိုက်ခြင်းဖြစ်သည်။

''ဒီလ ၁၅ရက်က ပြည်နယ်လုံ ခြုံရေးနဲ့ နယ်စပ်ရေးရာဝန်ကြီးကိုယ် တိုင်လာရောက်ပြီး အဲလိုတားမြစ် လိုက်တာပါ'' ဟု ဝန်ကြီးနှင့်အတူလိုက် ပါသွားခဲ့သည့် ပေါက်တောမြို့ခံ ဦးကျော်ဝင်းက ပြောသည်။

ဘင်္ဂါလီများသည် မြန်မာနိုင်ငံသားများ မဟုတ်ဘဲ ဧည့်နိုင်ငံသားများ ဖြစ်ကြသည့်အတွက် အစိုးရကထုတ် ပြန်ထားသည့်ဥပဒေအတိုင်း လိုက် နာနေထိုင်ကျင့်သုံးရန်လိုပြီး ယခု ကဲ့သို့ ဥပဒေမဲ့ ကျူးကျော်သွားရောက် ခြင်းမှာ ရခိုင်တိုင်းရင်းသားများကို အခက်အခဲဖြစ်စေသောကြောင့် ရခိုင် တိုင်းရင်းသားများကို စိတ်ဆင်းရဲ အောင်မလုပ်ကြရန်လည်း ပြည်နယ် လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီးထိန်လင်းက တိုက်တွန်း ပြောကြားခဲ့ကြောင်း သိရသည်။

''ရခိုင်တိုင်းရင်းသားတွေက မင်းတို့လို အဆင်ပြေပြေနဲ့ မနေရ ဘူး။ ကိုယ့်ထမင်းကို ကိုယ်ရှာစားနေ ရတာ။ မင်းတို့မှာကတော့ အလိုက် သင့်ပဲ။ ဆန်ဆိုလဲ အိုင်အင်န်ဂျီအိုိ၊ ယူအင်န်တွေကလာပေး။ ရေဆိုလဲ၊ ဆီဆိုလဲ အလျှံအပယ်ပေးနေတာလို့ ဝန်ကြီးက ပြောတယ်ဗျ''ဟု ဦးကျော် ဝင်းက ဆိုသည်။

ဘင်္ဂါလီများအနေဖြင့် ယင်း သို့ကျူးကျော်သွား ရောက်မှုမရှိစေ ရန်လုံခြုံရေးတင်းတင်းကျပ်ကျပ်ဖြင့် ကင်းလှည့်ဆောင်ရွက်ပေးရန် စစ် တပ်နှင့် လုံထိန်းတပ်ရင်းများကို ဝန်ကြီးက တိုက်တွန်းပြောဆိုသွားခဲ့ ကြောင်းလည်း သိရသည်။

SK

‪#‎Democracytoday‬

(ဒီမိုကရေစီတူဒေး သတင်းစာမှ ကူးယူဖော်ပြပါသည်။)

From:YMG

www.mmdailystar.com

အမေရိကန်သမ္မတ အိမ်ဖြူတော်သို့ ဓားပါသော လူတစ်ယောက် ခြံစည်းရိုးမှ ကျော်ပြီးဝင်ရောက်


Photo- AP/Susan Walsh



အမေရိကန်နိုင်ငံ ၀ါရှင်တန် ဒီစီမြို့ သမ္မတ အိမ်ဖြူတော် ခြံစည်းရိုးကို ဓားတစ်လက်ပါသော လူတစ်ယောက် ကျော်ခွဝင်လာပြီးသည့်နောက်တွင် လျှို့ဝှက်ထောက်လှမ်းရေးအဖွဲ့ အကြီးအကဲကိုယ်တိုင်
အိမ်ဖြူတော်အပြင်ဘက်တွင် တပ်ဖွဲ့များကို တပ်လှန့်နေရာချထားလိုက်သည်။


အမေရိကန်သမ္မတ အိုဘားမားက ထောက်လှမ်းရေးတပ်ဖွဲ့သည် ၎င်းနှင့်၎င်း၏ မိသားစုကို ကာကွယ်စောင့်ရှောက်နိုင်သော စွမ်းဆောင်ရည်ရှိကြောင်း ယုံကြည်နေဆဲပဲ ဟုဆိုပါသည်။ သောကြာနေ့က
အဆိုပါလူဝင်ရောက်ခဲ့ပြီးနောက် အိမ်ဖြူတော် အနောက်ဘက်ခြမ်းတစ်ခုလုံးကို ကင်းလှည့်ပြီး ပိုက်စိပ်တိုက်ရှာဖွေရန် အမေရိကန်လျှို့ဝှက်ထောက်လှမ်းရေးတပ်ဖွဲ့ ညွှန်ကြားရေးမှူး ဂျူလီယာပီဟာစင်က အမိန့်ထုတ်ထားသည်။



‘‘သမ္မတအနေနဲ့ ထောက်လှမ်းရေးအဖွဲ့အပေါ်မှာ လုံးဝယုံကြည်မှုရှိတယ်။ သူနဲ့ သူ့မိသားစု၊ အိမ်ဖြူတော်ကို နေ့ရောညပါ ကာကွယ်စောင့်ရှောက်နေသူတွေကိုလည်း ကျေးဇူးတင်တယ်’’ဟု အိမ်ဖြူတော်ပြောခွင့်ရပုဂ္ဂိုလ် ဖရင်ခ်ဘီနန်တီက ပြောကြားသည်။

သောကြာနေ့ညနေက အသက် (၄၂) နှစ်အရွယ် အိုမာဂျေဂွနိဆလတ်ဆိုသူက ခြံစည်းရိုးမှ ခုန်ချပြီး မြက်ခင်းပြင်ကို ဖြတ်ပြေးကာ သော့ခတ်မထားသော အိမ်ဖြူတော်မြောက်ဘက် ဆင်ဝင်တံခါးကို ဖြတ်နေစဉ် အိမ်ဖြူတော်အရာရှိများက ၎င်းကို ဖမ်းမိခဲ့ခြင်း ဖြစ်သည်။
ထိုအချိန်သည် သမ္မတအိုဘားမားနှင့် သမီးများရဟတ်ယာဉ်ဖြင့် မေရီလန်းပြည်နယ်သို့ အပန်းဖြေခရီးသွားရန် ထွက်ခွာသွားစသာရှိသေးသည်။



တာဝန်ရှိသူများက ပြောကြားရာတွင် ဂွန်ဇာလတ်သည် လက်နက်မပါသည့် ပုံစံပေါက်နေသည့်အတွက် သူ့ကိုမပစ်ခတ်ခြင်းဖြစ်ကြောင်း၊ သို့ရာတွင် ဂွန်ဇာလတ်ကို ဖမ်းမိသည့်အခါ သုံးလက်မခွဲအသွားရှိသည့် ဓားတစ်လက်ပါနေကြောင်း တွေ့ရသည်။
ဂွန်ဇာလတ်ကို စစ်ဆေးသည့်အခါ ပတ်ဝန်းကျင်အခြေအနေများက ကျဆင်းပြိုလဲနေသည်ကို စိုးရိမ်သည့်အတွက် သမ္မတကို ဆက်သွယ်လိုသဖြင့် လာရောက်ခြင်းဖြစ်သည်ဟု ဖြေကြားခဲ့သည်။

ယခုအခါ တက္ကဆတ်ပြည်နယ်သား ဂွန်ဇာလတ်ကို ဆေးရုံသို့ပို့ထားပြီး ၀င်ရောက်ခွင့်မရှိသော အဆောက်အအုံအတွင်း ၀င်ရောက်မှုနှင့် သေစေနိုင်သော လက်နက်ကိုင်ဆောင်မှုအတွက် တရားစွဲရန် တနင်္လာနေ့တွင် ရုံးတင်စစ်ဆေးမည် ဖြစ်ပါသည်။
ဂွန်ဇာလတ်ဖမ်းဆီးခံရပြီး ၂၄ နာရီမပြည့်မီ စနေနေ့တွင် နောက်ထပ် အမျိုးသားတစ်ဦးက အိမ်ဖြူတော်ဝင်ပေါက်ဂိတ်သို့ ကားမောင်းဝင်လာပြီး ထွက်သွားရန် ငြင်းဆိုခဲ့သည်။

ထို့ကြောင့် လုံခြုံရေးအဖွဲ့က ကားကိုရှာပြီး အိမ်ဖြူတော်အနီး လမ်းများကို ပိတ်ထားလိုက်သည်။ ထိုအဖြစ်အပျက်နှစ်ခု ဆက်စပ်မှုရှိသလားဆိုသည့် အချက်အလက်များကိုမူ မတွေ့ရှိရသေးပါ။
အမေရိကန်ထောက်လှမ်းရေးအဖွဲ့သည် ပြီးခဲ့သည့် နှစ်များအတွင်း အိမ်ဖြူတော်မှ သမ္မတမိသားစုကို ကာကွယ်ရခြင်းနှင့် အိမ်ဖြူတော်ကို ပြည်သူလူထုကြည့်ခွင့်ရသော အရာတစ်ခုအဖြစ် ထားရှိခြင်းတို့အကြားတွင် ဗျာများခဲ့ကြသည်။


Ref : AP
 
From:OE

www.mmdailystar.com
Related Posts Plugin for WordPress, Blogger...